Malayalam Hymn
Ini thamassamo natha varuvan
Ini thamassamo natha varuvan lyrics · Malayalam Christian Song
The Hymnal0 plays
Lyrics onlyWhatsApp
Lyrics
ഇനി താമസ്സമോ നാഥാ വരുവാൻ
കോടാകോടി ദൂതസംഘമായ് മേഘത്തിൽ
ഹാ! എത്രനാൾ കാത്തുഞാൻ പാർക്കണം
എൻ ആത്മസഖേ നിൻ മുഖം കാണുവാൻ
1 നിലയില്ലാലോകെ വൻ തിരകൾ ഹാ
അലച്ചുയരുന്നേ ഭീകരമായ്
പാരിടമാകെ പെരുകിടുന്നയ്യോ
പരിഭ്രമങ്ങൾ മനഃചഞ്ചലങ്ങൾ
വന്നു ചേർത്തുകൊള്ളും എന്നെ വേഗമായ്
ഇന്നു നോക്കിടുന്നേ നിന്നെ ഞാനേകനായ്;- ഹാ!...
2 ആശയറ്റോരായ് മേവുന്നു മനുജർ
വിശ്രമമെന്യേ ഈ പാർത്തലത്തിൽ
ആകുലചിന്തകളേറുന്നതാലേ
ദീനരായവർ കണ്ണീർ പൊഴിച്ചിടുന്നേ
ഭൂവിൽ അന്ധകാരം മൂടുന്നു നാഥനേ
ഹന്ത ചിന്തിക്കിൽ എന്തു സന്താപമെ;- ഹാ!...
3 ആദ്യവിശ്വാസം തള്ളിയനേകർ
ലോകസുഖങ്ങളെ തേടീടുന്നേ
ത്യഗികളാകും സോദരർകൂട്ടം
പദവികൾ നേടാൻ ഉഴന്നീടുന്നേ
അയ്യോ വിശ്വാസജീവിതം നഷ്ടമായ്
മമ വിശ്രാമം നിന്നിലെന്നുമാകയാൽ;- ഹാ!...
4 നീതിയിൻ സൂര്യനേശു മഹേശൻ
ഉദിച്ചീടുവാൻ കാലം വൈകിടുമോ
താവക കാന്തി ഞാനണഞ്ഞിടാൻ
കൊതികൊള്ളുന്നെന്നുള്ളം അനുദിനവും
ദേവാ കാർമുകിലാകവെ നീക്കണേ
മാരിവില്ലിൻ ഒളി എന്നും വീശണേ;- ഹാ!...
