Malayalam Hymn
Vazhthidunnu vazhthidunnu vazhthidunnu
Vazhthidunnu vazhthidunnu vazhthidunnu lyrics · Malayalam Christian Song · Video
The Hymnal0 plays
Lyrics
വാഴ്ത്തിടുന്നു വാഴ്ത്തിടുന്നു വാഴ്ത്തിടുന്നു ഞാൻ
എൻ രക്ഷകനെ നന്ദിയോടെ വാഴ്ത്തിടുന്നു ഞാൻ
മാട്ടിൻതൊഴുത്തിൽ പിറന്ന മാന്യസുതനേ
ഹീനവേഷം എടുത്ത നിന്നെ വാഴ്ത്തിടുന്നു ഞാൻ
വേഷത്തിൽ മനുഷ്യനായി കാണപ്പെട്ടോനെ
മനുഷ്യജന്മം എടുത്ത നിന്നെ വാഴ്ത്തിടുന്നു ഞാൻ
പാതകർക്കായ് നീതിവഴി ഓതിത്തന്നോനെ
പാരിടത്തിൽ നിന്നെ ഓർത്തു വാഴ്ത്തിടുന്നു ഞാൻ
ഗതസമനെ ശിഷ്യരുമായി പ്രാർത്ഥിച്ചവനെ
രക്തവും വിയർത്തവനെ വാഴ്ത്തിടുന്നു ഞാൻ
കുരിശെടുത്തു മലമുകളിൽ നടന്നുപോയോനെ
തൃപ്പാദം രണ്ടും ചുംബിച്ചിപ്പോൾ വാഴ്ത്തിടുന്നു ഞാൻ
കുരിശിലിരുമ്പാണികളാൽ തറയ്ക്കപ്പെട്ടോനെ
ഏഴു മൊഴി ചൊന്നവനെ വാഴ്ത്തിടുന്നു ഞാൻ
കുരിശിലേറി മരിച്ചുയിർത്തു സ്വർഗ്ഗേപോയോനെ
നിത്യം ജീവിക്കുന്നവനെ വാഴ്ത്തിടുന്നു ഞാൻ
ദൂതരുമായ് മേഘവാഹനെ വരുന്നവനെ
വേഗം നിന്നെകാണ്മതിനായ് കാത്തിടുന്നു ഞാൻ
എന്നു മേഘേ വന്നുകാണും രക്ഷകനെ ഞാൻ
നോക്കി നോക്കി കാത്തിടുന്നേ നിൻ വരവിനായ്
നിൻവരവിൽ മുന്നണിയായ് നിന്നിടുമേ ഞാൻ
വാഴ്ത്തി വാഴ്ത്തി നിന്നിടുമെ നിൻ വരവിൽ ഞാൻ
