Malayalam Hymn
Senayinadhipan devanilathiyaay aashraya
Senayinadhipan devanilathiyaay aashraya lyrics · Malayalam Christian Song · Video
The Hymnal0 plays
Lyrics
1 സേനയിന്നധിപൻ ദേവനിലതിയായ്
ആശ്രയമേവനുണ്ടോ ആയവൻ ഏവരിലുമതി ധന്യൻ
യാഹിൻ വാസമെന്തതികാമ്യം ആ... ആ...
വാഞ്ഛിച്ചു മോഹിക്കുന്നെന്നുള്ളം
ഘോഷിക്കുന്നെൻ ഹൃദയം ജഡവും
2 കുരികിൽ തനിക്കൊരു വീടും മീവൽ പറവ
തൻ കുഞ്ഞുങ്ങൾക്കായ് - നല്ലൊരു കൂടും കണ്ടെത്തിയല്ലോ
നിൻ തിരുബലിപീഠം തന്നെ ആ... ആ...
ധന്യർ നിന്നാലയത്തിൽ വസിപ്പോർ
നിത്യം സ്തുതിക്കുമവർ നിന്നെ;- സേനയി...
3 ബലം നിന്നിലുള്ളോർ ഭാഗ്യം നിറഞ്ഞോർ
നിശ്ചയമാണെന്നും താഴ്ച ഭവിക്കുകയില്ലെന്നും
ഇവ്വിധമുള്ളോർ മനസ്സുകളിൽ ആ... ആ...
നിർണ്ണയമുണ്ടു നിരന്തരമായ്
സീയോൻ നഗരിയിൻ പെരുവഴികൾ;- സേനയി...
4 കണ്ണുനീർ താഴ്വരയതു വഴിയായവർ
യാനം ചെയ്യുമ്പോൾ ആയതു മാറും ജലാശയമായ്
മുന്മഴയനുഗ്രഹപൂർണ്ണമാകും ആ... ആ...
പ്രാപിക്കും ബലമവർ ബലത്തിനുമേൽ
ചെന്നെത്തുമേവരും സീയോനിൽ;- സേനയി...
