Malayalam Hymn
Yeshu eniykkenthoraashvaasam aakunnu
Yeshu eniykkenthoraashvaasam aakunnu lyrics · Malayalam Christian Song
The Hymnal0 plays
Lyrics onlyWhatsApp
Lyrics
യേശു എനിയ്ക്കെന്തോരാശ്വാസമാകുന്നു
ആശ്ലേഷിച്ചിടുന്നു തൃക്കൈകളാൽ
1 ക്ഷീണം വർദ്ധിച്ചെന്നിൽ കാണുന്ന നേരം തൃ-
പ്പാണികളാൽ തഴുകീടുന്നു താൻ
താണുവന്നെന്നെ തഴുകുന്നവനെ ഞാൻ
കാണുന്നതെന്തു മഹാനന്ദമെ;-
2 കായസുഖമില്ലാതായിട്ടു ഞാൻ രോഗ-
ശയ്യ തന്നിൽ കിടന്നീടുന്നെങ്കിൽ
മെയ്യോടണഞ്ഞശു നായകനെൻ കായം
പയ്യേ തഴുകുന്നെന്താശ്വാസമേ;-
3 ചൂരച്ചെടിയുടെ കീഴിലഹം മനോ-
ഭാരപ്പെട്ടു കിടന്നീടുന്നെങ്കിൽ
ചാരത്തണഞ്ഞു തൻ ദൂതർ ചൂടുള്ളാരാ
ഹാരം തന്നു ബലം നല്കീടുമേ;-
4 വാടിയോരാനനത്തോടെ എമ്മാവൂസി-
ന്നോടുവതിന്നിടയായീടുകിൽ
കൂടെ നടന്നമ്പേറിടും മൊഴികളാൽ
ചൂടുള്ള ചേതസ്സിങ്ങേകീടുമേ -
5 ഏകാന്ത വാസമാം പത്മോസുദ്വീപിൽ ഞാ-
നാകുന്നു എങ്കിലനേരത്തിലെൻ
നാകേശനേറ്റവും പ്രകാശ്യരൂപനായ്
നാക പ്രഭാവങ്ങൾ കാട്ടീടുമേ;-
എന്റെ ദൈവം സ്വർഗ്ഗ സിംഹാസനം: എന്ന രീതി
