Malayalam Hymn
Nithya nithya nithyakaalamaay
Nithya nithya nithyakaalamaay lyrics · Malayalam Christian Song
The Hymnal0 plays
Lyrics onlyWhatsApp
Lyrics
പല്ലവി
നിത്യ നിത്യ നിത്യകാലമായ്‌ ക്രിസ്തുവിൻ
കാന്തയായ്‌ ഞാൻ
തേജസ്സിൽ തൻകൂടെ വാഴുമേ
ചരണങ്ങൾ
1 വിശ്വാസനായകൻ- യേശുവെ നോക്കി ഞാൻ
വിട്ടിടുന്നെൻ ഭാരമെല്ലാം മുറുകെപ്പറ്റും പാപവും
ഓടിടുന്നെൻ ലാക്കിലേക്ക്‌ ഭാഗ്യമാം വിരുതിന്നായ്‌;- നിത്യ..
ലോകത്തിലന്യനായ്‌ - പരദേശിയായി ഞാൻ
ലോകത്തിൻ നിക്ഷേപത്തേക്കാൾ ക്രിസ്തുവിന്റെ
നിന്ദയെ
വലിയ ധനമെന്നെണ്ണിടുന്നു മഹിമയിൻ പ്രത്യാശയാൽ;- നിത്യ..
ഈ ലോകലാഭങ്ങൾ ചേതമെന്നെണ്ണി ഞാൻ
ക്രിസ്തുവിനെ നേടുവാൻ തൻ കഷ്ടത്തിൽ കൂട്ടാളിയായ്‌
പ്രാപിപ്പാൻ പുനരുത്ഥാനമഹിമ നിത്യവാഴ്ചയ്ക്കായ്‌;- നിത്യ..
ആകാശശക്തികൾ ഇളകിമറികയാൽ
നിരാശയോടെ ജാതികൾ പരിഭ്രമിച്ചുഴലുമ്പോൾ
പ്രത്യാശയോടെ ഒരുങ്ങീടണം ശുദ്ധർ നിത്യനാളിന്നായ്‌;- നിത്യ..
വിശ്വാസവീരന്മാർക്കീലോകം യോഗ്യമോ
വിശുദ്ധന്മാർക്കങ്ങൊരിക്കലായ്‌ ലഭിച്ചതാം വിശ്വാസത്തിൽ
പോരാടി ജയമെടുത്തു വിശ്വസ്തരായ നിൽക്ക നാം;- നിത്യ..
