Malayalam Hymn
Maranamenikkoru maniyaravaathil
Maranamenikkoru maniyaravaathil lyrics · Malayalam Christian Song · Video
The Hymnal0 plays
Lyrics
മരണമെനിക്കൊരു മണിയറവാതിൽ
ആത്മമണാളനെ കാണുന്ന വേദി
വിരഹമൊ വിനകളൊ വരികയില്ലിനിയും
വിരവിൽ ഞാനണഞ്ഞിടും പിരിയാത്ത ഭവനെ
കർത്താവ് വാനിൽ വന്നിടുന്നേരം
കാഹളധ്വനിയും മുഴങ്ങുമന്നേരം
മണ്ണിലുറങ്ങുന്ന വിശുദ്ധരുയിർക്കും
മന്നിലിരിക്കും നാം രൂപാന്തരപ്പെടും
കണ്ണിമക്കുന്നിടെ ഒന്നിച്ചു ചേർന്നിടും
കന്മഷമകന്ന് എന്നാത്മ ദേഹി ദേഹം
പിന്നെ പിരിയാതെ മന്നവനോടൊത്ത്
മിന്നിടുമെന്നുടൽ തേജസ്സിനാൽ നിത്യം
വിട്ടുപിരിഞ്ഞിനി കർത്താവിനോടൊത്ത്
ഉത്തമമായൊരു നിത്യതയിലെത്തും
കഷ്ടത കണ്ണുനീർ മറന്നീടുമന്ന്
കർത്താവ് തന്നിടും പ്രതിഫലമന്ന്
മരണമെനിക്കിനി ലാഭമതാകയാൽ
മരുവിലെ മാനങ്ങൾ ഛേതമെന്നെണ്ണി
മരുവിടും യേശുവിൻ മാനത്തിനായി
വരുമവൻ മഹസ്സിൽ മണിയറയൊരുക്കി
