Malayalam Hymn
Kuruki njarangi kaathirikkum
Kuruki njarangi kaathirikkum lyrics · Malayalam Christian Song · Video
The Hymnal0 plays
Lyrics
കുറുകി ഞരങ്ങി കാത്തിരിക്കും
കുറുപ്രാവേ നിൻ ഇണ വരാറായ് (2)
1 ആരും മരുവിൽ ഒരു തുണയില്ലെന്ന്
ഒരു ഉരുവും നീ നിനയരുതേ
ഒരുക്കാൻ പോയി വരുമെന്നുരച്ചോൻ
കരുതിയതെല്ലാം നിനക്കല്ലയോ;-
2 നാടും വീടും കൂടുള്ളോർ വെടിയും
ഇടുക്കമീ പാത നീ കടന്നീടേണം
മടുത്തിടാതെ സ്ഥിരത വിടാതെ
ഒടുക്കംവരെ നീ സഹിച്ചീടേണം;-
3 കറ വാട്ടം കളങ്കം മാലിന്യമെന്യേ
നിറതേജസ്സോടെ മുൻ നിറുത്തിടാൻ
പാറയാം പ്രീയൻ നിനക്കായ് പിളർന്ന
മറവിൽ നീയിരുന്നു പൂർണ്ണയാകാം;-
4 ഇഹപര മഹിമ അഖിലവുമൻപായ്
സഹജെ നിനക്കായ് കരുതിയവൻ
കാഹള നാദം ശ്രവിക്കേ നീ പറക്കും
മോഹന നിമിഷം ആഗതമായ്;-
