Malayalam Hymn
Yeshu en manaalan varum
Yeshu en manaalan varum lyrics · Malayalam Christian Song · Video
The Hymnal0 plays
Lyrics
1 യേശു എൻ മണാളൻ വരും നാളതേറ്റം ആസന്നമേ
ശുദ്ധരിൻ പ്രത്യാശയിൻ പ്രഭാതമേ
ഹാ അതെന്തു ഭാഗ്യമേ, ആയതെന്റെ ആശയേ
ആ ദിനം കൊതിച്ചിടുന്നെ
കാണുമേ വേഗമെൻ കാന്തനാം യേശുവേ
കാണ്മതെന്തൊരാനന്ദം വർണ്യമല്ലെൻ ആമോദം
2 പാപികൾക്ക് രക്ഷകനായ് പാരിടത്തിൽ വന്നോനവന്
ശാപ മരണം സഹിച്ചുയിർത്തവൻ
പാപിയാമെൻ ഏഴയിൻ പാപമാകെ നീക്കിയെന്നെ
വീണ്ടെടുത്ത പുണ്യാത്മനെ;- കാണു...
3 രോഗികൾക്ക് വൈദ്യനവൻ രോഗത്തിൻ മരുന്നും സദാ
വ്യാകുലങ്ങൾ നീക്കും യേശു നായകൻ
രോഗ ദുഃഖമേതുമില്ലാതെ നിത്യ ദേഹമെൻ
പേർക്കൊരുക്കി വന്നീടുമേ;- കാണു...
4 വിണ്ണവർക്കധീശനു ജയം വിൺദൂതർ സൈന്യമാർത്തിടും
വിണ്ണിൽ എല്ലാം ആനന്ദം കൊണ്ടാടുമേ
കാഹളം ധ്വനിക്കുമെന്റെ കാതുകൾ ശ്രവിക്കുമന്നു
മാനിടർ ഭ്രമിച്ചിടുമേ;- കാണു...
5 പാരിലുള്ളോരെൻ ഗേഹമാം നാറുമെന്റെ മൺദേഹമോ
മാറും മറുരൂപമായ് ഞൊടിയിടെ
വാനിൽ പറന്നേറിടും പ്രാവുപോൽ പരത്തിൽ നി-
ന്നാഗമിക്കും തൻ ചാരെ;- കാണു...
6 തീരുമെന്റെ സന്താപം പാരിലേറ്റ വൻ താപം
തോരുമെന്റ കണ്ണീരും അന്ന് നിത്യമായ്
വാഴുമെന്നും കാന്തയായ് മൽപ്രിയന്റെ തേജസ്സാൽ
ശോഭയേറും ശാലേമിൽ;- കാണു...
