Malayalam Hymn
Kanuka neeya karvariyil
Kanuka neeya karvariyil lyrics · Malayalam Christian Song · Video
The Hymnal0 plays
Lyrics
കാണുക നീയാ കാൽവറിയിൽ
കേൾക്കുക നീയെൻ യേശുവിൻ ശബ്ദം
മുള്ളിൻ കിരീടം ശിരസ്സിൽ ചൂടി
രക്തം മുഴുവൻ വാർന്നവനായ്
1 പാപവഴികളിൽ നീ നടന്നു-തൻ
പാദങ്ങളിൽ അവർ ആണി തറച്ചു
പാപക്കറ നിന്റെ കൈകളിൽ ഉള്ളതാൽ
പാണികളെയും ക്രൂശിൽ തറച്ചു
2 ദുഷ്ട വിചാരത്തിൽ നീ രസിച്ചതാൽ
മുൾക്കിരീടം താൻ ചൂടി നിനക്കായ്
ഇത്രത്തോളം നിന്നെ സ്നേഹിച്ചെന്നോതി
കൈകൾ വിരിച്ചു താൻ ജീവൻ വെടിഞ്ഞു
3 തൂകുക തുള്ളി കണ്ണുനീർ നിന്റെ
പാപച്ചുമടവൻ പാടെയൊഴിക്കും
ഹൃത്തിൻ മുറിവുകൾക്കേകും താൻ സൗഖ്യം
പൂർണ്ണസമാധാനം ഉള്ളിൽ നിറയ്ക്കും
