Malayalam Hymn
Karthavilennum ente aashrayam
Karthavilennum ente aashrayam lyrics · Malayalam Christian Song · Video
The Hymnal0 plays
Lyrics
1 കർത്താവിലെന്നും എന്റെ ആശ്രയം
കർത്തൃസേവയൊന്നേയെന്റെ ആഗ്രഹം
കഷ്ടമോ നഷ്ടമോ എന്തു വന്നിടിലും
കർത്താവിൻ പാദം ചേർന്നു ചൊല്ലും ഞാൻ
ആർത്തുപാടി ഞാൻ ആനന്ദത്തോടെ
കീർത്തനം ചെയ്തെന്നും വാഴ്ത്തുമേശുവെ
ഇത്രനൽ രക്ഷകൻ വേറെയില്ലൂഴിയിൽ
ഹല്ലേലുയ്യാ പാടും ഞാൻ
2 വിശ്വാസത്താൽ ഞാൻ യാത്ര ചെയ്യുമെൻ
വീട്ടിലെത്തുവോളം ക്രൂശിൻ പാതയിൽ
വൻതിരപോലോരോ ക്ലേശങ്ങൾ വന്നാലും
വല്ലഭൻ ചൊല്ലിൽ എല്ലാം മാറിടും;-
3 തൻ സ്വന്തജീവൻ തന്ന രക്ഷകൻ
തള്ളുകില്ലയേതു ദുഃഖനാളിലും
തൻതിരു കൈകളാൽ താങ്ങി നടത്തിടും
തൻ സ്നേഹം ചൊൽവാൻ പോരാ വാക്കുകൾ;-
4 എൻ സ്വന്തബന്ധു മിത്രരേവരും
എന്നെ കൈവിട്ടാലും ഖേദമെന്തിനാം?
കൈവിടില്ലെന്ന തൻ വാഗ്ദത്തമുണ്ടതിൽ
ആശ്രയിച്ചെന്നും ആശ്വസിക്കും ഞാൻ;-
5 വിശ്വാസം കാത്തു ഓട്ടം ഓടിയെൻ
ആയുസ്സെല്ലാം നല്ലപോർ നടത്തും ഞാൻ
പിന്നെയെൻ യേശുവിൻ പാദമണഞ്ഞു ഞാൻ
എന്നാളും സ്തോത്രഗീതം പാടിടും;-
