Malayalam Hymn
Iravin irul nira theerarai
Iravin irul nira theerarai lyrics · Malayalam Christian Song · Video
The Hymnal0 plays
Lyrics
ഇരവിന്നിരുൾ നിര തീരാറായ്
പകലിൻ കതിരൊളി കാണാറായ്
പുതിയൊരു യുഗത്തിൻ പുലരിവരും
നീതിയിൻ കതിരോനൊളി വിതറും
അധിപതി യേശു വന്നിടും
അതുമതിയാധികൾ തീർന്നിടും
1 ഉണരിൻ ഉണരിൻ സോദരരേ
ഉറങ്ങാനുള്ളോരു നേരമിതോ?
ഉയിർതന്നോനായ് ജീവിപ്പാൻ
ഉണ്ടോ വേറൊരു നേരമിനി?
2 തരിശു നിലത്തെയുഴാനായി
തിരുവചനത്തെ വിതയ്ക്കാനായ്
ദരിശനമുള്ളവരെഴുന്നേൽപ്പിൻ
കുരിശിൻ നിന്ദ വഹിക്കാനായ്
3 ഇന്നു കരഞ്ഞു വിതയ്ക്കുന്നു
പിന്നവരാർപ്പോടു കൊയ്യുന്നു
ഇന്നു വിതയ്ക്കാ മടിയന്മാരന്നു
കരഞ്ഞാൽ ഗതിയെന്ത്?
4 കത്തിത്തീർന്നൊരു കൈത്തിരിപോൽ
പൂത്തുപൊഴിഞ്ഞൊരു പൂവെപ്പോൽ
എത്തിത്തിരികെ വരാതെ പോം
കർത്തവ്യത്തിൻ നാഴികകൾ
5 സ്നേഹം നമ്മുടെയടയാളം
ത്യാഗം നമ്മുടെ കൈമുതലാം
ഐക്യം നമ്മുടെ നല്ല ബലം
വിജയം നമ്മുടെയന്ത്യഫലം
6 തീയിൽ നമ്മുടെ വേലകളെ
ശോധനചെയ്യും വേള വരും
മരം പുല്ലു വയ്ക്കോൽ ഇവ വെന്തു-
പോയാൽ ബാക്കിവരും എന്ത്?
7 ഇന്നിഹ നിന്ദിതർ ഭക്തഗണം
അന്നു നടത്തും ഭൂഭരണം
കേഴും ഖിന്നത തീർന്നവരായ്
വാഴും നമ്മൾ മന്നവരായ്;-
