Malayalam Hymn
Bhupathimaar mudimane
Bhupathimaar mudimane lyrics · Malayalam Christian Song
The Hymnal0 plays
Lyrics onlyWhatsApp
Lyrics
ഭൂപതിമാർ മുടിമണേ! വാഴ്ക നീ
പാരിൽ പെരുത്തപാപം നീങ്ങുവാനിഹ
യാഗമായൊരു നാഥൻ നീ
1 സാധുവാമിവൻ പുതുജീവനിൽ കടക്കയാൽ
സാദരം ഭവൽ സ്തുതിചെയ്യുമേ
ജയം പാടുമേ സതതം പ്രഭോ;-
2 നിൻ തിരു കൃപയോർത്താൽ ബന്ധുത ലഭിക്കിലും
അന്തമറ്റതിദോഷം ചെയ്തവൻ
ഫലംകൊയ്തവൻ കഠിനൻ വിഭോ;-
3 നീതിയിൻ വിധിക്കുമുൻ ഭീതനായ് ഭവിക്കവേ
പാതകനിവൻ ബഹുഭാഗ്യമാർന്നതി-
യോഗ്യനായ്ത്തിരു നീതിയാൽ;-
4 രാജനായ് വാഴ്ക നിൻ നീതിയാൽ ഭരിക്ക നീ
രാജിത മഹസ്സെഴും നാഥനെ തവ
ദാസനെ ഭരമേൽക്ക നീ;-
5 നിൻ തിരു പ്രഭാവമിന്നെന്തു ഞാനുരയ്ക്കുന്നു
നിൻതിരു മുന്നരചർ വീഴുമേ സ്തുതി-
പാടുമേ മടിയെന്നിയേ;-
6 കാഴ്ചകളോടു തിരുവാഴ്ചയിലവർ വന്നു
വീഴ്ച കൂടാതെ വണങ്ങിടുമേ
മുഴങ്ങിടുമേ സ്തുതിഗാനവും;-
7 പാതകൻമാർ തിരുമുൻ വേദനയോടുഴറി
ഖേദമോടുടൻ വിറച്ചീടുമേ
ഒളിച്ചീടുമേ തരമാകുകിൽ:-
8 തീയൊടു മെഴുകുപോലാമവർ നീയോ നിത്യ
സ്ഥായിയായ് പരം വസിച്ചിടുമേ
ഭരിച്ചീടുമേ യുഗകാലമായ്;-
