Malayalam Hymn
Mahaathmyameriyathaam shushroosha
Mahaathmyameriyathaam shushroosha lyrics · Malayalam Christian Song
The Hymnal0 plays
Lyrics onlyWhatsApp
Lyrics
മാഹാത്മ്യമേറിയതാം ശുശ്രൂഷ ചെയ്തവനെ
മാനവ ജാതിക്കതി ശ്രേഷ്ഠനായ് തീർന്ന ഗുരോ
സവിധേ വന്നണഞ്ഞു പാദം മുത്തിടുന്നു പരാ
1 കാലസമ്പൂർണ്ണത വ-ന്നേറ്റമടുത്ത നേരം
സ്വർഗ്ഗ മഹിമകളെ ത്യാജകോടിയിൽ തള്ളി
സേവ തൽപരനായ് ശിഷ്യർ പാദസവിധേ നീ;- മാഹാ...
2 അത്താഴ വൃത്തത്തിൽ നി-ന്നുത്തര ക്ഷണമവൻ
വസ്ത്രമഴിച്ചു വച്ചു തുവർത്തരയിൽ ചുറ്റി
പകർന്നു വെള്ളമൊരു പാത്രം നിറയെ സംഭരിച്ചു;- മാഹാ...
3 ശിഷ്യവൃന്ദങ്ങളുടെ പാദം കഴുകി മോദാൽ
തുവർത്തെടുത്തു ഭക്ത്യാ പാദം തുടച്ചു വീണ്ടും
തുടർന്നു മറ്റൊരുവൻ പാദമിതുപോൽ നിർവ്വഹിച്ചു;- മാഹാ...
4 അർത്ഥഗാംഭീര്യമുള്ള ശുശ്രൂഷ ചെയ് കെ ശീമോൻ
കർത്താവേ നീ എന്തെന്റെ കാൽ കഴുകുന്നെന്നോതി
മറുത്തു നിന്നിടുമ്പോൾ കർത്താവുരച്ചു തൽക്ഷണത്തിൽ;- മാഹാ...
5 ഞാനിപ്പോൾ ചെയ് വന്തെ-ന്നാർക്കുമറിഞ്ഞുകൂടാ
ഏറ്റം ഗഹനമായ മർമ്മമാണിപ്പോഴെങ്കിൽ
ഞാൻ കഴുകിടായ് കിൽ നിനക്കോഹരി വിഫലം;- മാഹാ...
6 കർത്താവും ഗുരുവുമായ ഞാനിപ്പോൾ നിങ്ങളുടെ
പാദം കഴുകിയെങ്കിൽ നിങ്ങളും തമ്മിൽ തമ്മിൽ
കഴുകണം ശുചിയായ് വിശുദ്ധ ചുംബനവുമായി;- മാഹാ...
7 ഇതു നിങ്ങൾ ചെയ് വതെങ്കിൽ ഏറ്റം മികച്ച ഭാഗ്യം
കൈവന്നെന്നോർത്തുകൊൾകെന്നോതുന്നു പ്രാണപ്രിയൻ
വിനയ മനസ്സോടെ കൃത്യം നിർവ്വഹിച്ചീടുക;- മാഹാ...
തുംഗ പ്രദാപമാർന്ന ശ്രീയേശു നായകനെ എന്ന രീതി.
