Malayalam Hymn
Anugrahakkadale ezhunnallivarika
Anugrahakkadale ezhunnallivarika lyrics · Malayalam Christian Song · Video
The Hymnal0 plays
Lyrics
അനുഗ്രഹക്കടലേ! എഴുന്നള്ളിവരിക'യി-
ന്നനുഗ്രഹമടിയാരിലളവെന്യേ പകരാൻ
പിച്ചളസർപ്പത്തെ നോക്കിയ മനുജർ-
ക്കൊക്കെയുമനുഗ്രഹജീവൻ നീ നൽകിയെ
1 എന്നിൽനിന്നു കുടിച്ചീടുന്നോർ വയറ്റിൽ നി-
‘ന്നനുഗ്രഹ ജല നദിയൊഴുകുമെന്നരുളി നീ
പന്ത്രണ്ടപ്പോസ്തലന്മാരിൽ കൂടാദ്യമായ്
പെന്തെക്കോസ്തിൻ നാളിലൊഴുകിയ വൻ നദി;-
2 ആത്മമാരി കൂടാതെങ്ങനെ ജീവിക്കും
ദേശങ്ങൾ വരണ്ടുപോയ് ദൈവമേ കാണണെ
യോവേൽ പ്രവാചകൻ ഉരച്ച നിൻ വാഗ്ദത്തം
ഞങ്ങളിലിന്നു നീ നിവൃത്തിയാക്കീടേണം;-
3 പരിശുദ്ധകാര്യസ്ഥൻ ഞങ്ങളിൽ വന്നെല്ലാ-
ക്കുറവുകൾ തീർക്കണം കരുണയിൻ നദിയെ
വീട്ടിലും നാട്ടിലും വഴിയിലും പുഴയിലും
ഏവർക്കുമനുഗ്രഹം അടിയങ്ങളായിടാൻ;-
4 മരുപ്രദേശം പാട്ടോടുല്ലസിച്ചാനന്ദി
ച്ചേദനു തുല്യമായ് സുഗന്ധങ്ങൾ വീശണം
പീശോൻ ഗീഹോൻ നദി ഹദ്ദേക്കൽ ഫ്രാത്തതും
മേദിനിയിൽ ഞങ്ങൾക്കേകണം ദൈവമേ;-
5 കുരുടന്മാർ കാണണെ ചെകിടന്മാർ കേൾക്കണെ
മുടന്തുള്ളോർ ചാടണെ ഊമന്മാർ പാടണെ
വീണ്ടെടുത്തോരെല്ലാം കൂട്ടമായ്ക്കൂടി നിൻ
എതിരേല്പിൻ ഗാനങ്ങൾ ഘോഷമായ് പാടണം;-
6 സിംഹങ്ങൾ കേറാത്ത വഴി ഞങ്ങൾക്കേകണെ
ദുഷ്ടമൃഗങ്ങൾക്കു കാടുകളാകല്ലെ
രാജമാർഗ്ഗെ ഞങ്ങൾ പാട്ടോടുമാർപ്പോടും
കുരിശിന്റെ കൊടിക്കീഴിൽ ജയത്തോടു വാഴുവാൻ;-
7 സീയോൻ യാത്രക്കാരെ, ദൈവമേ ഓർക്കണേ
വഴിമദ്ധ്യേ അവർക്കുള്ള സങ്കടം തീർക്കണേ
വരുമെന്നരുളിയ പൊന്നുകാന്താ നിന്റെ
വരവിനു താമസം മേലിലുണ്ടാകല്ലെ;-
