Malayalam Hymn
Vegam varum raajakumaran
Vegam varum raajakumaran lyrics · Malayalam Christian Song
The Hymnal0 plays
Lyrics onlyWhatsApp
Lyrics
വേഗം വരും രാജകുമാരൻ
ഈ വരവതിവേഗമാകും
1 വേഗമവൻ വാനിൽ വന്നു കാഹളം മുഴക്കും
ദേഹവിയോഗം കഴിഞ്ഞ സിദ്ധരെയുണർത്തും
ജീവനോടിരിക്കും ശുദ്ധർ തേജസ്സിലുയിർക്കും
ജീവിതം കഴിക്കും കാന്തൻ ഏഴു കൊല്ലം വാനിൽ;-
2 വരവിന്റെ ഒരുക്കങ്ങൾ പലതും കഴിഞ്ഞു
മണവാളൻ വരവതിങ്ങടുത്തല്ലൊ പാർത്താൽ
മണിനാദം നിന്റെ കാതിൽ മുഴങ്ങുന്നില്ലേ പ്രീയ
മണവാട്ടി മനമുണർന്നൊരുങ്ങുക നീയും;-
3 അന്ധകാര ദൂതനെ താൻ ബന്ധനം ചെയ്തീടും
ബന്ധുവായി ഭക്തരന്നു ഭൂമിയിൽ വസിക്കും
വന്നു ഭൂവിൽ വാഴുമവൻ ആയിരം കൊല്ലങ്ങൾ
അന്നു പാരിൽ ഭക്തർ തന്നെ പാലനം നടത്തും;-
4 ദൈവപുത്രൻ ഭരിക്കുന്ന കാലമെത്ര ശ്രേഷ്ടം
ദ്വന്തപക്ഷമവിടില്ല പക ലവലേശം
ദൈവഹിതം മാത്രമന്നു നടന്നീടും ദേശം
ദൈതേജസ്സാവഹിച്ചു വിളങ്ങിടും ദേഹം;-
5 രോഗമവിടില്ല തെല്ലും ശോകമതും ജീവ
രാഗമതു തികച്ചങ്ങു ചൊന്നു കൂടാ വാഴ്ച്ച
രീതിയെല്ലാം സ്വർഗ്ഗതുല്യമായിടുമെ അന്നു
രാത്രിയില്ലാ ദേശമതിൽ സൂര്യനേശു തന്നെ;-
6 ബലഹീന ശരീരങ്ങൾ ബലപ്പെടുമന്ന്
ബലവാന്മാർ പലരന്നു കുനിഞ്ഞീടും തന്റെ
ബലമുള്ള കരങ്ങളിൽ അമർന്നിരുന്നന്ന്-നാം
ബലിയായി തീരേണമേ തന്റെ ഹിതത്തിനു;-
7 ആയിരമാണ്ടതു വേഗം കടന്നങ്ങു പോകും
ആണ്ടവനുരച്ച പോലെ ആണ്ടുകൾ തുടങ്ങും
അവസാനമതിനില്ല യുഗായുഗം നമ്മൾ
അവൻ മുഖശോഭ കണ്ടു വസിച്ചീടും നിത്യം;-
