Malayalam Hymn
Priyan vegam varum nithya
Priyan vegam varum nithya lyrics · Malayalam Christian Song · Video
The Hymnal0 plays
Lyrics
1 പ്രിയൻ വേഗം വരും നിത്യരാജാവായ്
തന്റെ കാന്തയെ ചേർപ്പതിനായ്
ഒരുങ്ങുകെൻ മനമെ നിൻ പതിയെ സ്വീകരിപ്പാൻ
തിടുക്കമോടോരോനാളും(2)
യേശുവേ നോക്കി നീ ജീവിച്ചീടുക
വിശ്വാസത്തിൻ നല്ല പോർ പൊരുതീടുക
പ്രതിഫലം താൻ തരും തൻ പ്രിയന്മാർക്ക്
പ്രത്യാശയോടോടുക പുരിയിലേക്ക്
2 സ്വർഗ്ഗത്തിൽ നിൻ നിക്ഷേപമെന്നെണ്ണീടുക
സ്വർഗ്ഗരാജ്യമത്രേ നിന്റെ നിത്യഗേഹം
സ്വർഗ്ഗരാജ്യവും അതിൻ നീതിയും മുന്നമേ
അന്വേഷിച്ചനുദിനവും(2);- യേശുവേ...
3 കീർത്തനങ്ങളോടെ നീ ഓടീടുവാൻ
കർത്തൻ കരുതിടും നിനക്കായ് വേണ്ടതെല്ലാം
സ്വർഗ്ഗത്തിൻ മന്നയും പാറയിൻ വെള്ളവും
മരുഭുപ്രയാണമതിൽ(2);- യേശുവേ...
4 പോർജയിച്ചീടുവാൻ ബലം ധരിപ്പിക്കും താൻ
പരിചയായ് കാക്കും നിന്നെ
മതിൽ ചാടി കടക്കും നീ തൻ ഭുജബലത്താൽ
പാർത്തിടും ഉന്നതികളിൽ(2);- യേശുവേ...
5 ആകയാൽ എന്മനമേ നീ ആനന്ദിക്ക
ആമോദമോടെ നീ പാടീടുക
അവൻ നിന്റെ കോട്ടയും രക്ഷയിൻ പാറയും
അർപ്പണം ചെയ്യുക നീ(2);- യേശുവേ...
