Malayalam Hymn
Vazhthedume vazhthedume immanuvele
Vazhthedume vazhthedume immanuvele lyrics · Malayalam Christian Song · Video
The Hymnal0 plays
Lyrics
വാഴ്ത്തീടുമേ വാഴ്ത്തീടുമേ ഇമ്മാനുവേലെ
എൻ ജീവകാലേ ഈ ക്ഷോണിതലെ
1 ദൂതർ സ്തുതിക്കും നാകവല്ലഭൻ പിറന്നു ഗോശാലയിൽ
ബന്ധമഴിച്ചു അന്ധനെന്നെയും ബന്ധുവാക്കിയതാൽ
ഇന്നുമെന്നും നന്നായ് സ്തുതിക്കും
നാഥൻ യേശുവേ ഞാൻ ഈ ധരയിൽ;-
2 പാപക്കടലിൽ ശാപക്കുഴിയിൽ പിടഞ്ഞു നീന്തീടവേ
പാപമകറ്റി ശാപം നീക്കി മാർവ്വിലണച്ചവനെ
കഷ്ടം നഷ്ടം സർവ്വം ഏറ്റു നിൻ
പിൻപേ നിൻ ദാസർ നടന്നീടാമേ;-
3 ശത്രു തന്നുടെ അഗ്നിശരങ്ങൾ തൊടുത്തുവിട്ടീടുകിൽ
നിന്നായുധങ്ങൾ കാത്തിടുമെന്നെ പൊന്നുനായകനെ
രക്ഷ സത്യം നീതി ചാർത്തി നീ
ശക്തനാക്കിടും സേനാനായകാ;-
4 വാനമുകളിൽ ദൂതസംഘമായ് നാഥൻ വരുമളവിൽ
ലോകം വിറയ്ക്കും ലോകർ ഭ്രമിക്കും ഞാനന്നാർത്തീടുമേ
നോക്കി നോക്കി കൺകൾ മങ്ങുന്നേ
എപ്പോൾ വന്നീടും എൻ പ്രാണപ്രിയാ;-
