Malayalam Hymn
Thirukrupa thannu nadathanamenne
Thirukrupa thannu nadathanamenne lyrics · Malayalam Christian Song
The Hymnal0 plays
Lyrics onlyWhatsApp
Lyrics
തിരുകൃപ തന്നു നടത്തണമെന്നെ
തിരുഹിതം പോലെ നാഥാ
തിരുഹിതം പോലെയെൻ നാഥാ
1 ബഹുവിധ എതിരുകൾ വളരുമിനാളിൽ
ബലഹീനനാം ഞാൻ തളർന്നു പോകാതെ(2)
ബലമെഴും കരത്താൽ താങ്ങണം എന്നെ;
ബഹുലമാം കൃപയാൽ നടത്തണം നാഥാ(2);-
2 മരുതലമേകും ദുരിതങ്ങളഖിലവും
മകുടങ്ങളാണെന്നെണ്ണി ഞാൻ വസിപ്പാൻ(2)
തിരുകൃപയെന്നിൽ പകരണമനിശം;
തിരുമൊഴി കേട്ടു ഞാൻ വളരുവാൻ നാഥാ(2);-
3 പഴയ മനുഷ്യനെ ഉരിഞ്ഞു ഞാൻ കളഞ്ഞു
പുതിയ മനുഷ്യനെ ഉള്ളിൽ ഞാനണിഞ്ഞു(2)
ഉയിരുള്ള നാൾവരെയും ഉലകിൽ നിൻ വഴിയിൽ;
ഉൺമയായ് നടപ്പാൻ വരം തരൂ നാഥാ(2);-
4 നിൻ നാമമെന്നിൽ മഹിമപ്പെടേണം
നിൻ സ്നേഹമെന്നിൽ നിറഞ്ഞു വരേണം(2)
നീ എന്നിൽ വളർന്നും ഞാൻ എന്നിൽ കുറഞ്ഞും;
നിന്നിൽ ഞാൻ മറഞ്ഞു മായണം നാഥാ(2);-
