Malayalam Hymn
Papiyil kaniyum pavanadeva padm
Papiyil kaniyum pavanadeva padm lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 പാപിയിൽ കനിയും പാവനദേവാ
പാദം പണിഞ്ഞിടുന്നേൻ
പാപിയാമെന്നെ സ്നേഹിച്ചോ നീ
പാരിലെന്നെ തേടിവന്നോ
2 ദുഷ്ടനരനായ് ദൂഷണം
ചെയ്തു ദൂരമായിരുന്നേൻ
തേടിയോ നീ എന്നെയും വൻ
ചേറ്റിൽനിന്നുയർത്തിയോ നീ
3 എൻ പാപം തീർപ്പാൻ പരലോകം
ചേർപ്പാൻ ഹീനനരനായ് നീ
എന്തു ഞാനിതിനീടു നൽകിടും
എന്നും നിന്നടിമയാം ഞാൻ
4 വിണ്ണിൻ മഹിമ വെടിഞ്ഞു നീയെന്നെ
വിണ്ണിൽ ചേർത്തിടുവാൻ
നിർണ്ണയം നിൻ സേവയെന്യേ
ഒന്നുമില്ലിനിയെൻ മോദം
5 പാപത്തിൻ ഫലമാം മരണത്തിൻ
ഭയത്തെ ജയിച്ചവൻ നീയൊരുവൻ
ജീവനും സമാധാനവും-എൻ
സർവവും നീയേ നിരന്തം
6 മായയാം ഉലകിൻ വേഷവിശേഷം
വെറുത്തേൻ ഞാനഖിലം
നിസ്തുലം നിൻ സ്നേഹമെൻ മനം
അത്രയും കവർന്നു നാഥാ
