Malayalam Hymn
Kalangenda maname karuthuvan
Kalangenda maname karuthuvan lyrics · Malayalam Christian Song · Video
The Hymnal0 plays
Lyrics
കലങ്ങേണ്ട മനമേ കരുതുവാൻ നിനക്കായ്
അരികിൽ പൊന്നേശുവുണ്ട്
വിശ്വാസപടകിൽ ഓളങ്ങളേറുമ്പോൾ
ആകുലം വേണ്ടിനിയും
ഒഴുക്കുകൾക്കെതിരെ നീ തുഴഞ്ഞീടുമ്പോൾ
കരം കുഴഞ്ഞേറ്റവും വലഞ്ഞീടുമ്പോൾ
ഉണ്മയിൽ വഴി നടത്താൻ
ഉയിർതന്നോരുടയോനില്ലേ
അവൻ നല്ലയിടയനതാൽ
വൈരികൾ നിൻ ഗതിയടച്ചിടുമ്പോൾ
വൈഷമ്യവേളകൾ പെരുകിടുമ്പോൾ
പുതുവഴി തുറന്നു തരും
പുതുബലം പകർന്നു തരും
അവൻ നിന്നെ അറിയുകയാൽ
രോഗങ്ങളാൽ മേനി ക്ഷയിച്ചിടുമ്പോൾ
ശോകങ്ങളാൽ മനം തകർന്നിടുമ്പോൾ
വല്ലഭൻ നൽ-സഖിയായ്
തിരുകൃപ നിനക്കു മതി
അവൻ നിന്റെ അഭയമതാൽ
ശാന്തമാം തുറമുഖത്തണയുവോളം
ശക്തനാം നാഥൻ നിന്നമരക്കാരൻ
ഇതുവരെ നടത്തിയവൻ
ഇനിയെന്നും മതിയായവൻ
അവൻ നിന്നെ പുലർത്തുകയാൽ
