Malayalam Hymn
Enne karuthuvan kakkuvan palippan
Enne karuthuvan kakkuvan palippan lyrics · Malayalam Christian Song · Video
The Hymnal0 plays
Lyrics
എന്നെ കരുതുവാൻ
കാക്കുവാൻ പാലിപ്പാനേശു
എന്നും മതിയായവൻ
1 വരും ആപത്തിൽ നൽതുണ താൻ
പെരുംതാപത്തിൽ നൽതണൽ താൻ
ഇരുൾമൂടുമെൻ ജീവിതപാതയിലും
തരും വെളിച്ചവും അഭയവും താൻ;-
2 മർത്യരാരിലും ഞാൻ സഹായം
തെല്ലും തേടുകില്ല നിശ്ചയം
ജീവനാഥനെന്നാവശ്യങ്ങളറിഞ്ഞു
ജീവനാളെല്ലാം നടത്തിടുമേ;-
3 എന്റെ ഭാരങ്ങൾ തൻചുമലിൽ
വച്ചു ഞാനിന്നു വിശ്രമിക്കും
ദുഃഖവേളയിലും പുതുഗീതങ്ങൾ ഞാൻ
പാടിയാനന്ദിച്ചാശ്വസിക്കും;-
4 ഒരു സൈന്യമെനിക്കെതിരേ
വരുമെന്നാലും ഞാൻ ഭ്രമിക്കാ
തിരുചിറകുകളാലവൻ മറയ്ക്കുമതാ-
ലൊരു ദോഷവും എനിക്കു വരാ;-
5 വിണ്ണിൽ വാസസ്ഥലമൊരുക്കി
വരും പ്രാണപ്രിയൻ വിരവിൽ
അന്നു ഞാനവൻ മാറിൽ മറഞ്ഞിടുമേ
കണ്ണീർ പൂർണ്ണമായ് തോർന്നിടുമേ;-
