Malayalam Hymn
Yauvanakkara yauvanakkara
Yauvanakkara yauvanakkara lyrics · Malayalam Christian Song
The Hymnal0 plays
Lyrics onlyWhatsApp
Lyrics
യൗവനക്കാരാ, യൗവനക്കാരാ
ഗമിക്കുന്നതെവിടേക്കു നീ (2)
തിരിഞ്ഞൊന്നു നോക്കുമോ കിടക്കുന്നതാരെന്ന്
ക്രൂശതിന്മേൽ നിനക്കായി
1 നിനക്കറിയാമോ ഇവനുടെ നാമം
യൗവനക്കാരാ, യൗവനക്കാരാ(2)
പറഞ്ഞുതരാം ഞാൻ ഇവനുടെ നാമം
ഇവനത്രെ ദൈവപുത്രൻ;-
2 നിനക്കറിയാമോ ഇവനേറ്റ പാടുകൾ
യൗവനക്കാരാ, യൗവനക്കാരാ(2)
അടിയിടി പഴി ദുഷി അനവധിയേറ്റു
മുറിവുകളും നിനക്കായി;-
3 നിനക്കറിയാമോ ഇതിനുള്ള കാരണം
യൗവനക്കാരാ, യൗവനക്കാരാ(2)
നിന്നുടെ പാപങ്ങൾ നിമിത്തമായല്ലോ
ഇവൻ മരിപ്പാനിടയായ്;-
4 നിനക്കറിയാമോ മറുവിലയെന്തെന്ന്
യൗവനക്കാരാ, യൗവനക്കാരാ(2)
കൊടുക്ക നിൻ ഹൃദയത്തെ അവനായിട്ടിന്ന്
നേടുക ആത്മരക്ഷ;-
5 നിനക്കറിയാമോ സമാധാനമെന്തെന്ന്
യൗവനക്കാരാ, യൗവനക്കാരാ(2)
തരികില്ലീ ലോകം സമാധാനമൊട്ടും
ഇവൻ സമാധാനപ്രഭു;-
