Malayalam Hymn
Choodum pon kireedam njaan
Choodum pon kireedam njaan lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 ചൂടും പൊൻകിരീടം ഞാൻ മഹത്വത്തിൽ
വാഴും നിത്യതേജസ്സിൻ പ്രഭാവത്തിൽ
മാറും അന്ധകാരം നീങ്ങും ചിന്താഭാരം
ഖേദമോ പൊയ്പ്പോകും പ്രിയൻ വന്നാൽ
പ്രിയൻ വന്നാൽ പ്രിയൻ വന്നാൽ
എൻ ഖേദമോ പൊയ്പ്പോകും പ്രിയൻ വന്നാൽ
2 കാണും ഞാൻ പ്രാണപ്രിയന്റെ ലാവണ്യം
വർണ്ണിക്കും പ്രശസ്തമായ് തൻ കാരുണ്യം
കീർത്തിക്കും തിരുനാമം ശ്ളാഘിക്കും തൻ പ്രേമം
ഹൃദ്യമായ് നിസ്സീമം പ്രിയൻ വന്നാൽ;- പ്രിയൻ...
3 നിൽക്കും ഞാൻ വിശുദ്ധരിൻ സമൂഹത്തിൽ
പാടും ഹല്ലേലുയ്യാ ഘോഷശബ്ദത്തിൽ
വന്ദിക്കും സാഷ്ടാംഗം ചുംബിക്കും പ്രത്യംഗം
നിത്യവും സാനന്ദം പ്രിയൻ വന്നാൽ;- പ്രിയൻ...
4 പിൻചെല്ലും കുഞ്ഞാടിനെ നിസ്സന്ദേഹം
സ്വച്ഛന്ദം ഉൾപൂകും ഞാനും സ്വർഗേഹം
വാഴും തൃപ്തിയോടെ എന്നും വേർപെടാതെ
ഭക്തരോടുകൂടെ പ്രിയൻ വന്നാൽ;- പ്രിയൻ...
