Malayalam Hymn
Yeshu ennadisthhaanam aashayavanilathre
Yeshu ennadisthhaanam aashayavanilathre lyrics · Malayalam Christian Song · Video
The HymnalKey of G
0 plays
Lyrics
യേശു എന്നടിസ്ഥാനം ആശയവനിലത്രെ
ആശ്വാസത്തിൻ പൂർണ്ണത യേശുവിൽ കണ്ടേ ഞാനും
1 എത്ര മധുരമവൻ നാമമെനിക്കു പാർത്താൽ
ഓർത്തു വരുന്തോറുമെ-ന്നാർത്തി മാഞ്ഞുപോകുന്നു;-
2 ദുഃഖം ദാരിദ്ര്യമെന്നിവയ്ക്കുണ്ടോ ശക്തിയെന്മേൽ
കൈക്കു പിടിച്ചു നടത്തിക്കൊണ്ടുപോകുന്നവൻ;-
3 രോഗമെന്നെ പിടിച്ചെൻ ദേഹം ക്ഷയിച്ചാലുമേ
വേഗം വരുമെൻ നാഥൻ ദേഹം പുതുതാക്കിടാൻ;-
4 പാപത്താലെന്നിൽ വന്ന ശാപക്കറകൾ മാറ്റി
ശോഭിത നീതി വസ്ത്രം ആഭരണമായ് നൽകും;-
5 വമ്പിച്ച ലോകത്തിര-ക്കമ്പം തീരുവോളവും
മുമ്പും പിമ്പുമായവൻ-അൻപോടെന്നെ നടത്തും;-
6 ലോകമെനിക്കുവൈരി-ലോകമെന്നെ ത്യജിച്ചാൽ
ശോകമെന്തെനിക്കതിൽ-ഏതും ഭയപ്പെടാ ഞാൻ;-
7 വെക്കം തൻ മണവാട്ടിയാക്കീടുമെന്നെയെന്നു
വാക്കുണ്ടെനിക്കു തന്റെ നീക്കമില്ലതിനൊട്ടും;-
