Malayalam Hymn
Dushdanmaarin aalochana(vanchipatte)
Dushdanmaarin aalochana(vanchipatte) lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 ദുഷ്ടന്മാരിൻ ആലോചന കേട്ടു തെല്ലും നടക്കാതെ
ഭ്രഷ്ടന്മാരാം പാപികളിൻ വഴി നിൽക്കാതെ!
2 പരിഹാസം ചൊല്ലീടുന്ന മർത്യർ കൂടെ ഇരിക്കാതെ
യാഹിൻ വചനത്തിൽ എന്നും മോദിച്ചീടുന്നോൻ!
3 ദൈവത്തിൻ പ്രമാണങ്ങളെ രാപ്പകൽ ധ്യാനിച്ചീടുന്ന
ദൈവഭയം ഉള്ള മർത്യൻ അതി ഭാഗ്യവാൻ!
4 ആറ്റിന്നരികത്തു നട്ട തൽസമയേ ഫലം നൽകും
ഇലയൊട്ടും വാടിടാത്ത വൃക്ഷങ്ങൾ പോലെ!
5 അവൻ ചെയ്യും കാര്യമെല്ലാം സഫലമായ് തീർന്നിടുമേ
ദൈവം അവൻ കൂടെയുണ്ട് സഹായമായി!
6 ദുഷ്ടന്മാരോ നീങ്ങിപ്പോകും കാറ്റു-പാറ്റും പതിർപോലെ
പിന്നീടാരും അവർ സ്ഥലം കാണുകയില്ല!
7 ദുഷ്ടന്മാരോ ന്യായാസനേ നിവർന്നു നിൽക്കുമോ ഇല്ല
പാപികളോ നീതിമാന്മാർ സഭയിൽ വരാ!
8 ദൈവം നീതിമാന്മാരുടെ വഴികളെ അറിയുന്നു
ദുഷ്ടന്മാരിൻ വഴികളോ നാശകരമേ!
9 ജീവന്റെ പുസ്തകമതിൽ പേരുള്ളോർ എല്ലാരും ധന്യർ
അല്ലാത്തവർ വീണിടുമേ തീപ്പൊയ്കയതിൽ!
