Malayalam Hymn
Kodumkaatalarumpol mathilinmel
Kodumkaatalarumpol mathilinmel lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 കൊടുങ്കാറ്റലറുമ്പോൾ മതിലിന്മേൽ
ഭയങ്കരന്മാരുടെ ആരവമുയരുമ്പോൾ
എളിയവനൊരു ദുർഗ്ഗം ദരിദ്രനു തണലും നീ
കഷ്ടത്തിൽ കോട്ടയും ശരണവുമേ
കാണുന്നു ഞാൻ ബലമുള്ള പട്ടണം
രക്ഷയതിന്റെ മതിലും കൊൽത്തളവും
യാഹിലാശ്രയിക്കും സ്ഥിരമാനസൻ
പൂർണ്ണ ശാന്തിയിൽ പാർക്കുമവിടെ
2 സാദ്ധ്യതകൾ തീർന്നാൽ സാരമില്ല
സാഗരത്തെ കരതലത്തിൽ വഹിക്കുന്നോൻ
സാദ്ധ്യമാക്കിത്തീർക്കും ജയമവൻ നൽകീടും
അസാദ്ധ്യമാം വാതിലുകൾ തുറക്കും;-
3 യാഹിൽ ശാശ്വതമാം പാറയതിൽ
ആശ്രയം വെച്ചിടും അവനിൽ ശാശ്വതമായ്
നിർത്തിടും വൻ കൃപയിൽ ഉയർത്തിടും വൻഭുജത്തിൽ
ചേർത്തിടും താൻ പാർക്കും വിൺഭവനേ;-
4 തകർക്കാൻ പാഞ്ഞടുക്കും ശത്രുവിന്മേൽ
തകർക്കുന്ന ജയമവൻ നമുക്കായ് നൽകിടുമേ
ഒരുക്കിടും മേശയവൻ പകർന്നിടും തൈലമവൻ
ഇരുത്തിടും താൻ സ്വർഗ്ഗീയ സിംഹാസനേ;-
