Malayalam Hymn
Snehavaanaayoru daivamunde
Snehavaanaayoru daivamunde lyrics · Malayalam Christian Song
The Hymnal0 plays
Lyrics onlyWhatsApp
Lyrics
സ്നേഹവാനായൊരു ദൈവമുണ്ട്
അവൻ ക്ഷേമമായി പാലിക്കുന്നു
വേദനയിൽ അവൻ ചാരത്തണഞ്ഞു
സ്നേഹമായി പാലിക്കുന്നു
1 പാപത്തെ വെറുക്കും പാപിയെ സ്നേഹിക്കും
നീതിമാനായ ദൈവം
പാപത്തിനു ശിക്ഷ നൽകുന്നവൻ
രക്ഷാ മാർഗവുമൊരുക്കിടുന്നു;-
2 കഷ്ടതയിൽ തൻ മക്കളെ അവൻ
ശ്രേഷ്ട ഭുജത്തിൽ വഹിച്ചിടുന്നു
കണ്ണുനീർ ദിനം തോറും തുടച്ചിടുന്നു
അവൻ ആശ്വാസം നൽകിടുന്നു;-
3 ഈ ലോകം എന്നെ താഴ്ത്തിടുമ്പോൾ
ദൈവം എന്നെ ഉയർത്തിടുന്നു
ഈ ലോകം എന്നെ നിന്ദിക്കുമ്പോൾ
ദൈവം എന്നെ മാനിക്കുന്നു;-
4 കൃപയുടെ വാതിൽ അടയും മുമ്പേ
അവൻ നിന്നെ വിളിച്ചിടുന്നു
നരകത്തിൽ നിന്നു വിടുവിക്കുവാൻ
സ്വന്തപുത്രനെ തന്നുവല്ലോ;-
