Malayalam Hymn
Bhakshanamavar kazhicchidumpol yeshu
Bhakshanamavar kazhicchidumpol yeshu lyrics · Malayalam Christian Song
The Hymnal0 plays
Lyrics onlyWhatsApp
Lyrics
ഭക്ഷണമവർ കഴിച്ചിടുമ്പോഴേശുനായകൻ
പക്ഷമോടുപാനഭാജനമെടുത്തു വാഴ്ത്തിനാൻ.
ചൊന്നു നിങ്ങൾ വാങ്ങിപ്പങ്കുവച്ചുകൊള്ളുവീനിതു
പൊന്നുലോകദേവരാജ്യമിന്നിലംവരുംവരെ
ഇന്നിമേലിൽമുന്തിരിയിൽ നിന്നു ഞാൻ കുടിക്കി
ല്ലെന്നു നിങ്ങളോടു ഞാനുരച്ചിടുന്നിതു ദൃഢം
ആർ വലിയവനവരിലെന്നൊരു വിവാദമ-
ന്നേര മായവർക്കുണ്ടായി വന്നതാലവരോടു,
കർത്തനും പറഞ്ഞു ജാതികൾക്കരചരായവർ
കർത്തൃതനടത്തിയേവരുന്നവരിലേററവും,
പാരിലായവരിൽ നായകത്വമുള്ളവരുപ-
കാരികളെന്നു പ്രസിദ്ധിയുള്ളവരല്ലോദൃഢം:
നിങ്ങളപ്രകാരമല്ല നിങ്ങളിൽ വലിയവൻ
ഇങ്ങളിയവനെപ്പോലെയായ്_വരേണ്ടതാകുന്നു.
ചേലോടുശുശ്രൂഷചെയ്തു വന്നിടുമൊരാളിനെ
പോലെയായ്-വരേണ്ടതു നടത്തുന്നോനസംശയം.
ആരുപോൽമഹാൻ ശുശ്രൂഷചെയ്തീടും മനുജനോ?
ചാരിപ്പന്തിയിലിരുന്നുകൊണ്ടിടും മനുഷ്യനോ?
നിങ്ങൾമദ്ധ്യേ ഞാൻ നിൽക്കുന്നു ദാസനെപ്പോലെങ്കിലും
നിങ്ങളെൻപരീക്ഷയിലെന്നോടു പാർത്തവരല്ലോ
എൻപിതാ നേമിച്ചെനിക്കുതന്നപോൽ രാജ്യം നിങ്ങൾ-
ക്കൻപോടുനേമിച്ചു ഞാനുമായതുതരുന്നുണ്ടു്!
നൂനമെൻസാമ്രാജ്യത്തിങ്കൽ എന്റെ മേശയിൽ നിന്നും
പാനം ചെയ്തുമിസ്രയേൽ ഗോത്രങ്ങൾ പന്തിരണ്ടിനും,
ഈഷലെന്നിയെ ന്യായംവിധിച്ചു കൊണ്ടു നിങ്ങൾ സിം-
ഹാസനങ്ങളിലിരുന്നു വാഴുമേ സന്തോഷമായ്‌.
മന്നവാ! മഹോന്നതന്റെ നന്ദനാ! ദയാനിധേ!
വിണ്ണിലൊന്നുനോക്കുവാനപാത്രമാമിപ്പാപിമേൽ,
ഉന്നതത്തിൽ നിന്നു നിൻ കൃപ പൊഴിഞ്ഞു യേശുവെ!
പൊന്നുലോകം ചേർന്നുകൊൾവാനെന്നെ നീ നടത്തുക.
