Malayalam Hymn
Puthiya srshdi naam
Puthiya srshdi naam lyrics · Malayalam Christian Song
The Hymnal0 plays
Lyrics onlyWhatsApp
Lyrics
പുതിയ സൃഷ്ടി നാം പുതിയ സൃഷ്ടി നാം
ക്രിസ്തുവിൽ നാം ചേർന്നിടുമ്പോൾ പുതിയസൃഷ്ടി നാം
ജീവിതത്തിൽ വന്നുദിക്കും ഭാഗ്യമാണത്‌
ജീവകാലമാകെ നിൽക്കും ദിവ്യഭാവുകം
പഴയകാല ജീർണ്ണതകൾ മാഞ്ഞുപോയിടും
പുതുമതൻ ഉദയശോഭ തെളിഞ്ഞു വന്നിടും
ഹൃത്തടത്തിൽ പുതിയ ശാന്തി വ്യാപരിച്ചിടും
ഹൃദയമേതു വിപത്തിലും തളർന്നിടില്ലിനി
നവ്യ-ദർശനം നമുക്കു മാർഗ്ഗദർശകം
ഭവ്യചിന്തയാൽ ഹൃദയം ഭരിതമായിടും
സ്ഥിരതയോടെ വിശ്വാസത്തിൽ നാം നടന്നിടും
വിശുദ്ധ വേദവാക്യം വഴിയിൽ വെളിച്ചമായിടും
അരുമനാഥനേശു എന്നും കൂടെയുണ്ടല്ലോ
അരുളി തന്റെ സ്നേഹം തമ്മിൽ പങ്കുവെച്ചിടാൻ
മഹിതവേല ഭൂവിൽ നമ്മൾ പൂർത്തിയാക്കിടാം
ദൈവരാജ്യ നിർമ്മിതിയിൽ പങ്കുചേർന്നിടാം
