Malayalam Hymn
Aanandam aanandam aanandame bahu
Aanandam aanandam aanandame bahu lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 ആനന്ദം ആനന്ദം ആനന്ദമേ ബഹു
സന്തോഷം നൽകുന്നോരാനന്ദമേ
മാതാവിൽ മക്കളിൽ ബന്ധുക്കളിൽപ്പോലുമേ
കാണാവതല്ലാത്തൊരാനന്ദമേ
2 എപ്പോഴും സന്തോഷം സന്തോഷം നൽകുന്ന
ആനന്ദമേ പരമാനന്ദമേ
ധന്യന്മാരേയും അഗതികളേയും
ഒന്നിച്ചു ചേർക്കുന്നോരാനന്ദമേ
3 ക്രിസ്തുവിൻ രക്തത്താൽ വീണ്ടെടുത്ത മക്കൾ
ആനന്ദം കൊണ്ടവർ തുള്ളിടുന്നു
നിക്ഷേപം കിട്ടീടിൽ ലഭ്യമാകാതുള്ള
ആനന്ദം കൊണ്ടവർ തുള്ളിടുന്നു
4 ഈ ഭൂവിലിത്രയും ആനന്ദമുണ്ടെങ്കിൽ
സ്വർഗ്ഗത്തിലെത്രയോ ആനന്ദമേ
എന്നാത്മാവേ നീയും കണ്ടിടും വേഗത്തിൽ
ആനന്ദക്കൂട്ടരെ മോക്ഷപുരേ
5 ഈ മൺശരീരമുടയുന്ന നേരത്തിൽ
വിൺശരീരം നമുക്കേകിടുമേ
അല്പനേരം കൂടി താമസിച്ചീടുകിൽ
ആത്മപ്രിയൻ മുഖം മുത്തിടാമേ
6 ഇപ്പോൾ നീ കാണാതെ സ്നേഹിക്കുന്നെങ്കിലും
മാത്രനേരംകൊണ്ടു കണ്ടീടുമേ
അപ്പോളെൻ പ്രിയന്റെ പൊൻമുഖം മുത്താനും
കൈകൾ ചുംബിപ്പാനും ഭാഗ്യമുണ്ടേ
7 ഇപ്പാരിലേൽക്കുന്ന കഷ്ടതകളൊന്നും
നഷ്ടമല്ലന്നു നീ കണ്ടീടുമേ
സാധുക്കൾക്കായിട്ടും രോഗികൾക്കായിട്ടും
നീട്ടിയ തൃക്കൈകൾ കണ്ടിടുമേ
