Malayalam Hymn
Aanandam aanandam enthora
Aanandam aanandam enthora lyrics · Malayalam Christian Song · Video
The Hymnal0 plays
Lyrics
ആനന്ദം ആനന്ദം എന്തോരാനന്ദം
വർണ്ണിപ്പാനാവില്ലേ
രാജാധി രാജനെൻ പാപത്തെയെല്ലാം
ക്ഷമിച്ചതിനാലെ(2)
1 പാടീടാം സാനന്ദം കർത്താധി കർത്തനെ
താണു വണങ്ങീടാം
മോടിവെടിഞ്ഞെന്നെ തേടി വന്നോനാം
നാഥനെ പുകഴ്ത്തിടാം;-
2 പാപങ്ങൾ ശാപങ്ങൾ രോഗങ്ങൾ
എല്ലാം പരിഹരിച്ചേശു
പാരിതിലെന്നെ പാലിക്കും പരൻ
പരമാനന്ദത്താൽ;-
3 ലോകത്തിൻ ധനമോ ജീവിത സുഖമോ
ആനന്ദമേകില്ലേ
ദേവാധി ദേവൻ തൻ സാന്നിധ്യമെന്നിൽ
ആനന്ദമേകിടുന്നേ;-
4 കാന്തനവൻ തന്റെ ആഗമനമോർത്തു
കാലം കഴിച്ചിടുന്നേ
കാന്തനെക്കാണുവാൻ പ്രീയനെ മുത്തുവാൻ
ഉള്ളം കൊതിച്ചീടുന്നേ;-
