Malayalam Hymn
Sthothram ennum paadum yeshuvine
Sthothram ennum paadum yeshuvine lyrics · Malayalam Christian Song · Video
The Hymnal0 plays
Lyrics
പല്ലവി
സ്തോത്രം എന്നും പാടും യേശുവിന്
അല്ലെലെല്ലാം അവൻ തീർത്തതിനാൽ
ഹല്ലെലുയ്യാ ഗീതം പാടിടുമേ-ഹല്ലെലുയ്യാ
ചരണങ്ങൾ
1 പാപത്തിൽ നിന്നെന്നെ വീണ്ടെടുപ്പാൻ
ക്രൂശിലെൻ രോഗവും തീർത്തിടുവാൻ
താതൻ തിരുഹിതം പൂർത്തിയാക്കി
കാൽവരി മേടതിൽ യാഗമായി-ഹല്ലെലുയ്യാ
2 വീണ്ടെടുപ്പിൻ വില ഏകി എന്നെ
നീതിക്കു ദാസനാക്കിയതിനാൽ
എന്നുമവൻ സ്‌തുതി ചെയ്‌തിടും ഞാൻ
താപമാകെയകന്നാമോദമായ്-ഹല്ലെലുയ്യാ
3 ശാലേമിൻ രാജനാം യേശു മണാളൻ
തന്നൊളിയെന്നിൽ പകർന്നതിനാൽ
തൻ സേവ പൂർണ്ണമായ് ചെയ്‌തിടുവാൻ
ഉള്ളം കൊതിക്കുന്നേ ഇന്നുമെന്നും- ഹല്ലെലുയ്യാ
4 പലവിധ ശോധന വർദ്ധിക്കുന്തോറും
പരനേശുവോടെന്നും ചേർന്നിരിക്കും
പരമ സീയോനിൽ ഞാനെത്തും വരെ
പ്രാണപ്രിയൻ സ്‌തുതി പാടിടുമേ-ഹല്ലെലുയ്യാ
5 അന്ത്യമാം രക്ഷ ഞാൻ പ്രാപിപ്പതിനായ്
ആത്മാവിൻ ശക്തിയാൽ കാക്കപ്പെടുന്നു
വാട്ടം മാലിന്യമേശാതുള്ളതാം
ശാശ്വതാവകാശം പ്രാപിച്ചിടും- ഹല്ലെലുയ്യാ
