Malayalam Hymn
Vazhthi sthuthikkam aarthu
Vazhthi sthuthikkam aarthu lyrics · Malayalam Christian Song
The Hymnal0 plays
Lyrics onlyWhatsApp
Lyrics
വാഴ്ത്തി സ്തുതിക്കാം ആർത്തു ഘോഷിക്കാം
വാനവ നാഥനെ വണങ്ങീടാം
വാദിത്ര നാദത്തോടെ പവിത്രനാം പരനെ
രാവിലും പകലിലും എല്ലായ്പ്പോഴും
ചേലോടെ പാടിടാം കീർത്തനങ്ങൾ
ഉന്നതൻ നമ്മെ പുലർത്തീടും
തൻ തിരു നാമത്തിലാശ്രയിക്കാം;- വാഴ്ത്തി...
അധരാർപ്പണങ്ങളാം സ്തോത്രത്തോടും
അനുതാപത്തോടും ഇന്നടുത്തീടുകിൽ
അക്യത്യങ്ങളഖിലവും അകറ്റി നമ്മെ
അൻപോടു തൻ ചാരെ ചേർത്തീടുമേ;- വാഴ്ത്തി...
വടതിക്കറ്റേ വേഗം ഉണർന്നീടുക
തെന്നിക്കറ്റേ ആഞ്ഞു വീശീടുക
സൗരഭ്യം പരക്കട്ടെ തിരുസഭയിൽ
സൗഭാഗ്യ കാലമിങ്ങാസന്നമായ്;- വാഴ്ത്തി...
ജയിക്കുന്നവർ വെള്ള ധരിച്ചീടുമേ
വാണിടും എന്നും തന്നോടുകൂടെ
ജയവീരരായ് നിൽക്കും തൻ ശുദ്ധരെ
നിശ്ചയം ചേർത്തിടും തൻ സവിധേ;- വാഴ്ത്തി...
