Malayalam Hymn
Chengkadal munnil kandidunnu
Chengkadal munnil kandidunnu lyrics · Malayalam Christian Song · Video
The Hymnal0 plays
Lyrics
ചെങ്കടൽ മുന്നിൽ കണ്ടിടുന്നു
വഴിയറിയാതെ ഉഴറിടുന്നു
വാഗ്ദത്തം ചെവികളിൽ മുഴങ്ങിടുന്നു
വാക്കുമാറാത്തോനേ കാത്തിടുന്നു
അലറുന്ന തിരകളെൻ മുന്നിലുണ്ട്
ശത്രുവിൻ ആരവം പിന്നിലുണ്ട്
മുറിയുന്ന വാക്കുകൾ കേൾക്കുന്നുണ്ട്
എങ്കിലും നിൻ കരം കൂടെയുണ്ട്
എൻ മനം ഭാരത്താൽ തളരുന്നുണ്ട്
തൻ സ്വരം കേൾക്കാതുലയുന്നുണ്ട്
അറിയാതെൻ കണ്ണുകൾ നിറയുന്നുണ്ട്
എങ്കിലും നിൻ ദയ കൂട്ടിനുണ്ട്
കാറ്റുകൾ ശക്തമായ് വീശുന്നുണ്ട്
ചെങ്കടൽ രണ്ടായി പിളരുന്നുണ്ട്
ഉണങ്ങിയ നിലങ്ങളെ കാണുന്നുണ്ട്
മിരിയാമിൻ തപ്പുകൾ ഉയരുന്നുണ്ട്
നടത്തിയ വിധങ്ങളെ ഓർത്തിടുക
അത്ഭുത വഴികൾ കണ്ടിടുക
വൈരിയിൻ രോദനം കേട്ടിടുക
ഉന്നത നാമത്തേ വാഴ്ത്തീടുക
ചെങ്കടൽ പിന്നിൽ മറഞ്ഞിട്ടുന്നു
വഴികാട്ടിയായ് മുന്നിൽ നടന്നീടുന്നു
വാഗ്ദത്ത ദേശത്തേ കണ്ടിടുന്നു
വാക്കു മാറാത്തോനേ വാഴ്ത്തിടുന്നു
