Malayalam Hymn
Ethra ethra sreshdam swargga seeyon
Ethra ethra sreshdam swargga seeyon lyrics · Malayalam Christian Song · Video
The Hymnal0 plays
Lyrics
എത്ര എത്ര ശ്രേഷ്ഠം! സ്വർഗ്ഗസീയോൻ എത്ര എത്ര ശ്രേഷ്ഠം!
കർത്തൻ വാണീടും സിംഹാസനവും നല്ല
കീർത്തനങ്ങൾ പാടും ദൂതരിൻ വീണയും
സ്തോത്രഗീതങ്ങൾ പാടുന്നവർ നാദവും
1 പന്ത്രണ്ടു വാതിലുകൾ-ക്കടുത്തൊഴുകുന്നു പളുങ്കുനദി
മിന്നും നവരത്നം പോൽ വീഥിയെല്ലാം മിന്നിത്തിളങ്ങീടുന്നു
മുത്തുഗോപുരങ്ങൾ ശ്രേഷ്ഠമാകുംവണ്ണം ശുദ്ധ പൊന്നിൻ തെരുവീഥി മഹാചിത്രം
ചൊല്ലിക്കൂടാതുള്ള തേജസ്സുദിക്കുന്ന വല്ലഭൻ പട്ടണം നീ
കാണുംന്നേരം അല്ലലെല്ലാമൊഴിയും;-
2 ജീവനദി സ്വച്ഛമായ് ഒഴുകുന്നു സിംഹാസനത്തിൻ മുന്നിൽ
ജീവവൃക്ഷം തഴച്ചീരാറുവിധ ജീവഫലം തരുന്നു,
സ്വർഗ്ഗസീയോൻ തന്നിൽ സൂര്യചന്ദ്രൻമാരും
ശോഭയേറും നല്ല ദീപങ്ങളും വേണ്ട ദൈവതേജസ്സതിനെ പ്രകാശിപ്പിച്ചു
കുഞ്ഞാടതിൻ വിളക്ക് ദിവ്യകാന്തിയെങ്ങും വിളങ്ങീടുന്നു;-
3 ദൂതർ ചൂഴ്ന്ന് നിൽക്കെ ആസന്നത്തിൽ ദൈവമക്കളിരിക്കെ
ദൈവമക്കൾ നടുവിൽ തേജസ്സോടെ ദൈവകുഞ്ഞാടിരിക്കെ
ക്രോബർ സാറാഫിമാർ പത്രങ്ങളാൽ പറന്നത്യുതൻ മുൻ
അലങ്കാരമായ് സ്തുതി നിത്യം ചെയ്യുന്നതും ആയുള്ള
കാഴ്ച്ചകൾ എത്ര എത്ര ഇമ്പം മനോഹരം എത്ര എത്ര ശ്രേഷ്ഠം;-
4 ഹല്ലേലുയ്യാ ഗീതം പാടിയാടും ദൂതന്മാർ കോടാകോടി
വല്ലഭനെ സ്തുതിച്ചു വന്ദിച്ചീടും സാഫ്രഗണം വളരെ
ശുദ്ധൻ ശുദ്ധൻ പരിശുദ്ധൻ മാ കുഞ്ഞാടു നിത്യം
സ്തുതി തനിക്കെന്നുമാ ശബ്ദമായ് ഒത്തുപാടും ദൈവദൂതർ
കോടാകോടി കിന്നരനാദമോടും പലതരം ഗീതങ്ങൾ പാടീടുന്നു;-
