Malayalam Hymn
Azhalerum jeevitha maruvil nee thala
Azhalerum jeevitha maruvil nee thala lyrics · Malayalam Christian Song · Video
The Hymnal0 plays
Lyrics
അഴലേറും ജീവിത മരുവിൽ നീ
തളരുകയോ ഇനി സഹജേ!
1 നിന്നെ വിളിച്ചവൻ ഉണ്മയുള്ളോൻ
കണ്ണിൻമണിപോലെ കാത്തിടുമെ
അന്ത്യംവരെ വഴുതാതെയവൻ
താങ്ങി നടത്തിടും പൊൻകരത്താൽ;-
2 കാർമുകിൽ ഏറേക്കരേറുകിലും
കാണുന്നില്ലെ മഴവില്ലതിന്മേൽ
കരുതുക വേണ്ടതിൽ ഭീകരങ്ങൾ
കെടുതികൾ തീർത്തവൻ തഴുകിടുമേ;-
3 മരുഭൂപ്രയാണത്തിൽ ചാരിടുവാൻ
ഒരു നല്ലനായകൻ നിനക്കില്ലയോ
കരുതും നിനക്കവൻ വേണ്ടതെല്ലാം
തളരാതെ യാത്ര തുടർന്നിടുക;-
4 ചേലോടു തന്ത്രങ്ങൾ ഓതിടുവാൻ
ചാരന്മാരുണ്ടധികം സഹജേ
ചുടുചോര ചിന്തേണ്ടി വന്നിടിലും
ചായല്ലേ ഈ ലോകതാങ്ങുകളിൽ;-
5 കയ്പുള്ള വെള്ളം കുടിച്ചിടിലും
കൽപ്പന പോലെ നടന്നിടണം
ഏൽപ്പിക്കയില്ലവൻ ശത്രുകൈയിൽ
സ്വർപ്പുരം നീ അണയുംവരെയും;-
