Malayalam Hymn
Yeshuve ninte roopameeyente kannukal
Yeshuve ninte roopameeyente kannukal lyrics · Malayalam Christian Song · Video
The HymnalKey of F
0 plays
Lyrics
1 യേശുവേ നിന്റെ രൂപമീയെന്റെ
കണ്ണുകൾക്കെത്ര സൗന്ദര്യം
ശിഷ്യനാകുന്ന എന്നെയും
നിന്നെപ്പോലെയാക്കണം മുഴുവൻ;-
2 സ്നേഹമാം നിന്നെ കണ്ടവൻ പിന്നെ
സ്നേഹിക്കാതെ ജീവിക്കുമോ
ദഹിപ്പിക്കണം എന്നെ അശേഷം
സ്നേഹം നൽകണം എൻ പ്രഭോ;-
3 ദീനക്കാരെയും ഹീനന്മാരെയും
ആശ്വസിപ്പിപ്പാൻ വന്നോനെ
ആനന്ദത്തോടു ഞാൻ നിന്നെപ്പോലെ
കാരുണ്യം ചെയ് വാൻ നൽകുകെ;-
4 ദാസനെപ്പോലെ സേവയെചെയ്ത
ദൈവത്തിൻ ഏക ജാതനെ
വാസം ചെയ്യേണം ഈ നിൻ വിനയം
എന്റെ ഉള്ളിലും നാഥനേ;-
5 പാപികളുടെ വിപരീതത്തെ
എല്ലാം സഹിച്ച കുഞ്ഞാടേ
കോപിപ്പാനല്ല ക്ഷമിപ്പാനുള്ള
ശക്തി എനിക്കും നൽകുകേ;-
6 തന്റെപിതാവിൻ ഹിതമെപ്പോഴും
മോദമോടുടൻ ചെയ്തോനേ
എന്റെ ഇഷ്ടവും ദൈവ
ഇഷ്ടത്തിന്നനുരൂപമാക്കേണമേ;-
7 തിരുവെഴുത്തു ശൈശവം തൊട്ടു
സ്നേഹിച്ചാരാഞ്ഞ യേശുവേ
ഗുരു നീ തന്നെ വചനം
നന്നെ ഗ്രഹിപ്പിക്ക നിൻ ശിഷ്യനെ;-
8 രാത്രി മുഴുവൻ പ്രാർത്ഥിച്ചുണർന്ന
ഭക്തിയുള്ളൊരു യേശുവേ
പ്രാർത്ഥിപ്പാനായും ഉണരാനായും
ശക്തി തരേണം എന്നുമേ;-
9 ലോകസ്ഥാനങ്ങൾ സാത്താൻ മാനങ്ങൾ
വെറുക്കും ദൈവ വീരനെ
ഏകമാം മനം തന്നിട്ടെൻ ധനം
ദൈവം താൻ എന്നോർപ്പിക്കുകെ;-
10 കൗശലങ്ങളും ഉപായങ്ങളും
പകയ്ക്കും സത്യ രാജാവേ
ശിശുവിനുള്ള പരമാർത്ഥത
എന്നിലും നിത്യം കാക്കുകേ;-
12 മനുഷ്യരിലും ദൂതന്മാരിലും
അതിസുന്ദരനായോനെ
അനുദിനം നിൻ ദിവ്യസൗന്ദര്യം
എന്നാമോദമാക്കേണമേ;-
