Malayalam Hymn
Daivam thaan snehikkum manavarkkekum
Daivam thaan snehikkum manavarkkekum lyrics · Malayalam Christian Song · Video
The Hymnal0 plays
Lyrics
ദൈവം താൻ സ്നേഹിക്കും
മാനവർക്കേകും നന്മകളെത്രപരം
തൻ സ്നേഹം കൈക്കൊള്ളും
മക്കൾക്കു നൽകുന്ന-വൻകൃപയെത്ര ധന്യം(2)
നീതിമാൻമാരുടെ വാസസ്ഥളങ്ങളിൽ
സ്വർഗ്ഗീയ ചൈതന്യം വാണിടുന്നു;
തൻഹിതം ചെയ്തിടുവാൻ(2)
സ്വർഗ്ഗീയ ജ്ഞാനത്താൽ പാലിച്ചീടും;-
കാംക്ഷിക്കുന്നതിലും നിനയ്ക്കുന്നതിലും
അത്യന്തം താതൻ പുലർത്തീടുന്നു;
കാനാവിലെ നൽവീഞ്ഞിലും(2)
മാധുര്യമായവ നൽകീടുന്നു;-
നിദ്രയിലും പരൻ പ്രിയർക്കൊരുക്കുന്ന
വൻ ദയ എത്ര ബഹുലമഹോ;
ആധിയും വ്യാധിയും(2)
ഏശിടാതെ താതൻ കാത്തിടുന്നു;-
വാരിവിതറുന്നു ഭക്തർക്കളവെന്യെ
മാരിപോൽ വൻ കൃപയേകീടുന്നു;
നന്ദിയാൽ വാഴ്ത്തിടാം(2)
നിത്യവും തൻ ദയ വർണ്ണിച്ചീടാം;-
