Malayalam Hymn
Njan avane adhikam snehikkum
Njan avane adhikam snehikkum lyrics · Malayalam Christian Song · Video
The Hymnal0 plays
Lyrics
ഞാൻ അവനെ അധികം സ്നേഹിക്കും
ഞാൻ അവനെ അധികം ആരാധിക്കും (2)
ഞാൻ അവനെ അധികം സേവിക്കും
ഞാൻ അവനിൽ ദിനവും ജീവിക്കും (2)
1 Forgiveness
നൂറു പൊൻവെളളി നാണയത്തെക്കാൾ
പതിനായിരം താലന്തിനേക്കാൾ(2)
എണ്ണമറ്റൊരെൻ പാപക്കടങ്ങൾ
ഇളച്ചെന്നെ താൻ സ്നേഹിച്ചതോർത്താൽ (2)
2 Salvation
ഒരു കണ്ണിനും ദയ തോന്നിടാതെ
അർദ്ധപ്രാണനായ് കിടന്നോരു നാളിൽ (2)
എന്നരികിൽ അണഞ്ഞേശു നാഥൻ
തന്റെ മാർവോടു ചേർത്തതോർക്കുമ്പോൾ (2)
അതുല്യമാം സാന്നിദ്ധ്യമേകി
നിസ്സീമമാം വാത്സല്യമേകി(2)
അമ്മയെക്കാളും ആർദ്രതയോടെ
കരതാരിൽ വഹിക്കുന്നതോർത്താൽ (2)
പരിശുദ്ധാത്മ നിറവേനിക്കേകി
വെളിപ്പാടുകൾ അനവധിയേകി (2)
തവ സേവയിൽ ജയത്തോടെ നില്പാൻ
പുതു ബലം നൽകി പാലിപ്പത്തോർത്താൽ (2)
Stanza-1 (Protection)
എരിയുന്ന തീച്ചൂള നടുവിൽ
തിരുസാന്നിധ്യമരുളിയ നാഥൻ(2)
തീമണം പോലുമേൽക്കാതെയെന്നെ
വിടുവിച്ച തൻ സ്നേഹത്തെ ഓർത്താൽ (2)
Stanza-2 (Deliverance)
പ്രതികൂലമാം തിരകളെൻ പടകിൽ
അതിഘോരമായ് ആഞ്ഞടിച്ചപ്പോൾ (2)
ഒരു വാക്കിനാൽ ശാന്തതയേകി
മറുകരയെന്നേ എത്തിച്ചതോർത്താൽ (2)
മേഘാരൂഡ്ഡനായ്‌ അവൻ വരും നാളിൽ
കോടി വിശുദ്ധ ഗണങ്ങളിൻ നടുവിൽ (2)
അവൻ പൊന്മുഖം ദർശിക്കും നേരം
പാടിടും ഞാൻ അത്യാനന്ദമോടെ (2)
