Malayalam Hymn
Sthuthikku yogyanente veendeduppukaaran
Sthuthikku yogyanente veendeduppukaaran lyrics · Malayalam Christian Song · Video
The Hymnal0 plays
Lyrics
സ്തുതിക്കു യോഗ്യനെന്റെ വീണ്ടെടുപ്പുകാരൻ നിത്യവും
സ്തുത്യർഹ നാമമാണവനു ലഭ്യമായതോർക്കുകിൽ
നമിച്ചിരുകരം കൂപ്പി നാമൊത്തു ഗീതം പാടിടാം... ഭക്ത്യാദരാൽ
സ്തുതിച്ചിടുന്നനന്തകോടി ശുദ്ധരോടിയേഴയും
സ്തുതിക്കു യോഗ്യനെന്റെ വീണ്ടെടുപ്പുകാരൻ നിത്യവും
2 പ്രഭ കലരുമന്തരംഗമെന്റെ ധ്യാനവേദിയിൽ
പ്രത്യാശയാൽ കുളിർമ്മ കൊള്ളുമെന്റെ പ്രിയൻ പ്രേമത്താൽ
തുടിച്ചിടുന്നു മോദമായ്
തുടർന്നു പ്രേമമത്തനായ്... തൃത്തം ചെയ്തും;- സ്തുതിച്ചിടു...
3 അഗാധമായ ചേറ്റിലാണ്ടു പൂണ്ടുഴന്നയേഴയെ
ആവേശമായ് ആരാഞ്ഞു വീണ്ടെടുത്ത പുണ്യ നീതിയെ
പ്രഘോഷിക്കുന്നു ശക്തിയായ്
പ്രത്യാശിക്കുന്നനന്തമായ്... സംപ്രീതിയായ്;- സ്തുതിച്ചിടു...
4 പ്രാഗത്ഭ്യമേറും സ്വർഗ്ഗ ഭാഗ്യമെന്റെ സ്വന്തമാകയാൽ
പ്രത്യംഗമായ് സമർപ്പണം ചെയ്യുന്നു ഞാൻ മൽഭക്തിയായ്
തിരുമനസ്സിലേഴയെ തിരഞ്ഞെടുത്തീപ്പൂഴിയെ... മാറ്റം വരാ;- സ്തുതിച്ചിടു…
5 തിരുമേനിയെന്റെ ധ്യാനമേതൊരാപത്തേശും നേരത്തും
തിരു മാർവ്വിലാശ്രയിച്ചു വിശ്രമിക്കുമേതു നേരത്തും
ഭയപ്പെടില്ലൊരിക്കലും
ഭാരപ്പെടാ യാതൊന്നിലും... നിരന്തരം;- സ്തുതിച്ചിടു...
6 കഷ്ടങ്ങളാൽ ഞാനേറ്റവും നട്ടം തിരിയുന്നെങ്കിലും
കണ്ണീരോലോല വാർക്കിലും കയ്പോടു കേണുരയ്ക്കിലും
കൺ മങ്ങിടും പ്രഭാപുരി
കണ്ടെത്തിടും പുലരിയിൽ... സമ്മോദമായ്;- സ്തുതിച്ചിടു...
7 നവയെരൂശലേമെനിക്കു നിത്യ വാസമായിടും
നയന മോഹനങ്ങളോടു പ്രീയനുമായ് മേവിടും
നാളോരോന്നെണ്ണിയെണ്ണി ഞാൻ
നാഥൻ വരവു കാത്തിടും… സൽഭക്തിയായ്;- സ്തതിച്ചിടു...
8 എന്നാത്മാവേ നീ ഖേദിക്കാതെയുള്ളിലാശ പൂണ്ടുകൊൾ
എൻ പ്രാണനെ സമുദ്ധരിച്ച് വൻകൃപകളോർത്തുകൊൾ
എന്നോമനപ്പേർ ചൊല്ലി നീ-
യെന്നെയണച്ചരികിൽ നീ.. സമ്മോദമായ്;- സമ്മോദമായ്...
