Malayalam Hymn
Vandanam yeshudeva vandanam
Vandanam yeshudeva vandanam lyrics · Malayalam Christian Song · Video
The Hymnal0 plays
Lyrics
വന്ദനമേശു ദേവാ വന്ദനം ജീവനാഥാ
വന്ദനം മന്നിടത്തിൽ വന്ന ദയാപരനേ
1 തങ്കനിണത്തിൽ പാപ പങ്കം കഴുകിയെന്റെ
സങ്കടം തീർത്തവനേ നിൻകഴൽ കുമ്പിടുന്നേൻ
2 നീചനാമെൻ പേർക്കായി നിന്ദകളേറ്റ ദേവാ
നിസ്തുല കൃപാനിധേ നിൻ സ്നേഹം നിസ്സീമമേ
3 ക്രൂര വേദനയേറ്റു ക്രൂശിൽ മരിച്ചുയിർത്തു
ഘോര മരണഭയം തീരെ തകർത്തവനേ
4 നിന്ദ്യ സാത്താന്യ നുക ബന്ധിതരായവർക്കു
നിത്യ സ്വാതന്ത്ര്യം നാഥാ നീ വിളംബരം ചെയ്തു
5 പാപിയെത്തേടി വന്ന പാവനരൂപാ ദേവാ
പാദം പണിയുമെന്നെ പാലനം ചെയ്ക നാഥാ
യേശു എന്നടിസ്ഥാനം : എന്ന രീതി
