Malayalam Hymn
Ie dharithriyil enne paripalipan
Ie dharithriyil enne paripalipan lyrics · Malayalam Christian Song
The Hymnal0 plays
Lyrics onlyWhatsApp
Lyrics
ഈ ധരിത്രിയിൽ എന്നെ പരിപാലിപ്പാൻ പരൻ
അരികിലുണ്ടെന്നും പിരിഞ്ഞിടാതെ
എൻ ബലവുമവലബവും താൻ
സങ്കേതവുമെന്റെ കോട്ടയുമേ
ആകയാൽ ഞാൻ ധൈര്യമോടെ
ഹാ എന്നും പാർക്കുന്നവൻ മറവിൽ;-
താവക പാലനമീയുലകിൽ
രാവിലും പകലിലും നൽകിയെന്നെ
കാവൽ ചെയ്തു കാക്കും മരു-
പ്രവാസം തീരുന്നതുവരെയും;-
തന്നിടുമഖിലവുമെന്നിടയൻ
അന്നന്നുവേണ്ടതെന്തെന്നറിഞ്ഞ്
സാന്ത്വനപ്രദായകമാം
തൻതൂമൊഴിയെൻ വിനയകറ്റും;-
ക്രൂശിലോളമെന്നെ സ്നേഹിച്ചതാൽ
നിത്യതയിൽ ചെന്നു ചേരുവോളം
തന്റെ സ്നേഹമെന്നിലെന്നും
കുറഞ്ഞിടാതെ തുടർന്നിടുമേ;-
ദൈവീക ചിന്തകളാലെ ഹ്യതി
മോദമിയന്നു നിരാമയനായ്
ഹല്ലേലുയ്യ പാടി നിത്യം
പ്രത്യാശയോടെ വസിച്ചിടും ഞാൻ;-
