Malayalam Hymn
Vishvasam thannarulka devesha
Vishvasam thannarulka devesha lyrics · Malayalam Christian Song
The Hymnal0 plays
Lyrics onlyWhatsApp
Lyrics
വിശ്വാസം തന്നരുൾക ദേവേശാ നിൻ
ആശ്രിതനാമെനിക്കു
വിശ്വാസമില്ലാതെ നിർജ്ജീവനാമെന്നിൽ
നിശ്വസിക്കേണമീ മുഖ്യവരം ദേവാ-വി
1 ആശ്രയമില്ലാതെ ഞാൻ-ഉഴലുന്ന
കൃച്ഛ്റ കാലങ്ങളിലും
നിശ്ചയം നിൻ മാർവ്വുപറ്റി സുഖം പൂണ്ടു
വിശ്രമിച്ചങ്ങു വസിപ്പാനെനിക്കു നീ;- വിശ്വാ...
2 താതനെ നിൻ വചനം - അതിൻവണ്ണം
ചേതസി കൈക്കൊണ്ടു ഞാൻ
ഏതു കാലത്തിലും ആതുരനാകാതെ
നാഥാ നിൻ വാഗ്ദത്തമോർത്തു സുഖിപ്പാനായ്;- വിശ്വാ...
3 വീടുപോയാലെനിക്കു-ഖേദമെന്തു
മോടിയോടെ സ്വർഗ്ഗത്തിൽ
ഒന്നല്ലനേക വാസസ്ഥലങ്ങളുള്ള
മന്ദിരമുണ്ടതു കണ്ടു സുഖിപ്പാനായ്;- വിശ്വാ...
4 നിക്ഷേപമുണ്ടെനിക്കു സുരലോകെ
അക്ഷയനാമേശുവിൽ
ഇക്ഷിതിയിൽ ധനം നാശമല്ലോ യേശു
രക്ഷകൻ സത്യധനമെന്നു കാണുവാൻ;- വിശ്വാ...
5 ദുഷ്ടനാം സാത്താനെന്നെ-വലയ്ക്കുവാൻ
പെട്ടെന്നങ്ങണഞ്ഞീടുമ്പോൾ
ജ്യേഷ്ഠസഹോദരനേശുവീ ദുഷ്ടനെ
ആട്ടി ഓടിപ്പതുകണ്ടു പ്രമോദിപ്പാൻ;- വിശ്വാ...
6 ക്ഷീണതയോടു ഞാനും-കിടക്കയിൽ
വീണിടുമ്പോൾ രോഗിയായ്
ആണിയിൻ പാടുള്ള പാണി നീട്ടീട്ടെന്റെ
മേനി തടവുന്നതോർത്തു സുഖിപ്പാനായ്;- വിശ്വാ...
