Malayalam Hymn
Kantha varavu kathu kathu
Kantha varavu kathu kathu lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 കാന്താ വരവു കാത്തു കാത്തു ഞങ്ങൾ എത്രനാൾ പാർത്തിടേണം;
എത്രയോ കാലമായ് നോക്കി നോക്കി പാരിൽ
മാത്രയും മാറാതെ കാത്തുനിന്നീടുന്നു(2)
എന്നുവന്നു കണ്ടിടും പൊൻമുഖം ഒന്നു ചുംബിക്കുവാൻ
വരുമേ തിരുവായ്മൊഴിഞ്ഞ-വനരുളിയപോൽ
വചനം നിറവേറ്റാൻ വന്നു സഭയെ ചേർത്തിടാൻ
വേഗം മഹിമയിലെടുപ്പാൻ-കൊണ്ടു
വിരുന്നുശാലയിൽ പോയ് ചേർത്തു പന്തിയിലിരുത്താൻ
2 ലോകം ആകെയിളകുന്നു രാജ്യം ഞെട്ടിവിറയ്ക്കുന്നു;
വിശുദ്ധഗണങ്ങൾ നൊടിനേരം തന്നി-
ലുയിർത്തു മണ്ണിൽനിന്നുയരെപ്പോകും(2)
ഓർത്തു ധ്യാനിക്കുന്തോറും എന്നുള്ളം ആനന്ദിക്കുന്നേ;- വരുമേ..
3 സ്വർഗ്ഗീയ നാടെന്നു കാണാം എന്റെ വീട്ടിലെന്നെത്താം;
നവയെരുശലേം മഹിമനിറഞ്ഞു-
ഇറങ്ങിവരുന്ന സമയം ഓർക്കുമ്പോൾ(2)
സ്നേഹം വർദ്ധിച്ചീടുന്നേ പ്രത്യാശയേറിവരുന്നേ;- വരുമേ...
4 സീയോനിൽ വാഴുന്ന കാലം എത്ര ഭാഗ്യകരമത്;
സ്വർഗ്ഗീയദൂതരും ശുദ്ധമൊന്നുപോൽ-
ആമോദമായെന്നും വാഴ്ത്തിസ്തുതിക്കുന്ന(2)
ഭാഗ്യത്തെ ഓർത്തിടുന്തോറും ഉള്ളം ആനന്ദിക്കുന്നേ;- വരുമേ...
