Malayalam Hymn
Vishvasathil ennum munnerum njaan
Vishvasathil ennum munnerum njaan lyrics · Malayalam Christian Song · Video
The Hymnal0 plays
Lyrics
വിശ്വാസത്തിൽ എന്നും മുന്നേറും ഞാൻ
വിശ്വാസത്താൽ എല്ലാം ചെയ്തിടും ഞാൻ
ഒന്നും അസാദ്ധ്യമായ് ഇല്ലെന്റെ
മുമ്പിലിനി ജയം എനിക്കുണ്ട്
ഞാനൊട്ടും പിൻമാറുകില്ല
വിശ്വാസച്ചുവടുകൾ മുന്നോട്ട് മുന്നോട്ട്
ആരെല്ലാം എതിർത്താലും എന്തെല്ലാം ഭവിച്ചാലും
പിൻമാറുകില്ലിനി ഞാൻ
അധികാരത്തോടെ ഇനി കല്പിക്കും ഞാൻ
പ്രതികൂലങ്ങൾ മാറിപ്പോകും
ഒന്നും അസാദ്ധ്യമായ് ഇല്ലെന്റെ മുമ്പിലിനി
ജയം എനിക്കുണ്ട്
അനർത്ഥമുണ്ടെന്നു ഞാൻ ഭയപ്പെടില്ല
തോൽവി വരുമെന്നും ഞാൻ ഭയപ്പെടില്ല
ശത്രു ജയിക്കുമെന്നോ ഭാവി നശിക്കുമെന്നോ
ഇനിമേൽ ഞാൻ ഭയപ്പെടില്ല;-
രോഗത്തിനോ ഇനി ശാപത്തിനോ
പാപത്തിനോ ഞാൻ അധീനനല്ല
സാത്താന്യ ശക്തിയിൻമേൽ
ശാപബന്ധനത്തിൻമേൽ ജയം എനിക്കുണ്ട്;-
ആകുല ചിന്തയാൽ നിറയുകില്ല
ഭാരങ്ങൾ ഓർത്തിനി കരയുകില്ല
തക്ക സമയത്തെനിക്കെല്ലാം
ഒരുക്കുന്നവൻ, ഒരിക്കലും കൈവിടില്ല;-
