Malayalam Hymn
Ente daivam ariyathe enikko
Ente daivam ariyathe enikko lyrics · Malayalam Christian Song
The Hymnal0 plays
Lyrics onlyWhatsApp
Lyrics
എന്റെ ദൈവം അറിയാതെ
എനിക്കൊന്നും വരികയില്ല
അവനനുവദിക്കാതെ
എനിക്കൊന്നും ഭവിക്കയില്ല
യേശുവേ നീയെൻ ആശ്രയം
യേശുവേ നീയെൻ സങ്കേതം
നിൻ ചിറകാണെൻ അഭയം
നിൻ കരമാണെൻ ശരണം
മഹാ വ്യാധി ദേശത്തെ മൂടിയാലും
മരണത്തിൻ മുറവിളി ഉയർന്നാലും
പ്രതി വിധി ഒന്നുമേ ഇല്ലെന്നാലും
ഭയപ്പെടില്ല ഞാൻ ഭ്രമിക്കയില്ല
രോഗ മരണങ്ങൾ ഏറിയാലും
ജീവിത വഴികൾ അടഞ്ഞാലും
ആശയറ്റവരായ് ഇരുന്നാലും
യേശു തുണയായ് അരികിൽ വരും
വിളിക്കപ്പെട്ടവരാം ദൈവജനം
ദുർമാർഗങ്ങൾ വിട്ടവരായ്
താഴ്ത്തി തിരു മുൻപിൽ കരഞ്ഞിടുമ്പോൾ
ദേശത്തിനെല്ലാം സൗഖ്യം വരും
ദൈവ മുൻപിൽ താണിടാം
അനുതപിച്ചേറ്റു പറഞ്ഞിടാം
ഇടുവിൽ നിന്നു കരഞ്ഞിടാം
വിടുതലിനായി ഒന്ന് മുറവിളിക്കാം
