Malayalam Hymn
Yeshu nathhane sabhayil manavalane
Yeshu nathhane sabhayil manavalane lyrics · Malayalam Christian Song
The Hymnal0 plays
Lyrics onlyWhatsApp
Lyrics
യേശുനാഥനേ സഭയിൽ മണവാളനേ
വരികിങ്ങിന്നേരമേ ചൊരികാശിർവാദമേ
ദാമ്പത്യ പുതുജീവിതം മനസ്സായ് വരിച്ചീടുമി-
ദാസർക്കേകണം നിന്നാശിഷങ്ങളെ
1 ആദിനാളതിൽ-അങ്ങേദൻ പറുദീസിൽ
ആദാം നിൻ സുതൻ തുണയററിരുന്നതാൽ
സന്ദരീമണി ഹവ്വയെ കൊടുത്തവരിരുവരെയും
മോദാലനുഗ്രഹിച്ച മോഹനവരദ;-
2 അബ്രഹാം സുതനാം യിസ്ഹാക്കിനൊത്തവളാം
റിബേക്കയാം തരുണീമണിയെ കൊടുത്തവനെ
മോദമായവർ വാണു ഭൂവിന്നനുഗ്രഹം പകരാൻ
സമ്പത് സന്താനവൃദ്ധി നൽകിയ പരനേ;-
3 വിലയേറും വസ്ത്രമോ നിലയററ രത്നമോ
തലപിന്നുകെന്നതോ അലങ്കാരമാക്കാതെ
സൽപ്രവൃത്തികളാലംകൃതമായി ശോഭനയായ്
വാഴാനരുൾക നിൻകൃപ സോദരിയിവൾക്കും;-
4 സാവധാനവും ബഹുസൗമ്യശീലവും
ഹൃദയത്തിനൊത്തതാം ക്ഷമയററ ഭൂഷണം
ക്രിസ്തുവാം ശിരസ്സിന്നു തൻസഭ കീഴ്പ്പെടുമതുപോൽ
ഭർത്താവിനിനിയവൾ പകരാനനുസരണം;-
5 ക്രിസ്തു തൻസഭയെ പരിപോഷിപ്പിപ്പതുപോൽ
പരമൻ സ്നേഹാലവൾക്കായ് സ്വയമേൽപിച്ചെന്നതു പോൽ
ഭർതൃസ്ഥാനത്തിലെത്തും സോദരൻ ഭാര്യയാമിവളിൽ
കാട്ടേണം സ്നേഹം സ്വന്തദേഹമെന്നതുപോൽ;-
6 സൗഖ്യമാകിലും സന്താപമേറിലും
സന്തോഷപൂണ്ണരായ് സംതൃപ്തരായ് ഭൂവിൽ
ഭാരമേററു സമ്മോദമായ് ഗൃഹപാലനം നയിപ്പാൻ
പാരം കനിഞ്ഞരുളും നിൻ കൃപാവരിഷം;-
