Malayalam Hymn
Yeshu raajan varunnitha nashalokam
Yeshu raajan varunnitha nashalokam lyrics · Malayalam Christian Song · Video
The Hymnal0 plays
Lyrics
1 യേശു രാജൻ വരുന്നിതാ നാശലോകം തകരുന്നേ
ദൈവജനമേ ഉണർന്നിപ്പോൾ തലകളുയർത്തിപ്പാടുവിൻ
എഴുന്നു ശോഭിപ്പീൻ ദീപം തെളിയിപ്പീൻ
പറന്നുപോകാൻ കാലമേറ്റം അടുത്തുവരുന്നിതാ
2 യുദ്ധശബ്ദം മുഴങ്ങുന്നേ കാഹളങ്ങളൂതാറായ്
എത്ര വേഗം ഉണർന്നു നീ ശക്തിയെ പുതുക്കുക;- എഴു..
3 ജാതിജാതിയോടിതാ രാജ്യമെങ്ങും പൊരുതുന്നേ
ജാതികൾ നിരാശയാൽ പരിഭ്രമിക്കും കാലമായ്;- എഴു..
4 ദൈവസഭയതുണരട്ടെ അനുഭവങ്ങൾ കാണട്ടെ
സമയം ലേശം കളയാതെ അരുമനാഥനെ സാക്ഷിപ്പിൻ;- എഴു..
5 ആദ്യസ്നേഹം വിശ്വാസം ആദിമപ്രതിഷ്ഠയും
പുതുക്കി ജീവിതത്തെ നീ കാത്തുസൂക്ഷിച്ചീടുക;- എഴു..
6 നിൻ വിചാരണയിലെ ആട്ടിൻകൂട്ടം മുഴുവനും
ദുഷ്ടജന്തു തൊട്ടിടാതെ ജാഗരിച്ചു കാത്തുകൊൾ;- എഴു..
7 ഇടയശ്രേഷ്ഠൻ വെളിപ്പെടാൻ കാലമടുത്തുവരുന്നിതാ
കൂലി തന്റെ കയ്യിലും പ്രതിഫലവുമായിതാ;- എഴു..
8 നിൻ കിരീടം ആരുമെടുത്തിടാതെ സൂക്ഷിക്ക
ജീവിത വസ്ത്രത്തെ നീ വെൺമയാക്കിക്കൊള്ളുക;- എഴു..
