Malayalam Hymn
Ravum pakalum geethamgal paadi
Ravum pakalum geethamgal paadi lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 രാവും പകലും ഗീതങ്ങൾ പാടി
പവിത്ര ജീവിത ശോഭയെ നേടി
ശൂലേമിയെപ്പോൽ കാത്തിരിക്ക നീ
കാന്തൻ വരുമേ ഉണരൂ സീയോനേ
2 തങ്കനിണത്തിൻ വിലയല്ലയോ നീ
ചങ്കുപോൽ നിന്നെ സ്നേഹിച്ചതല്ലോ
തങ്കൽ ഏക ചിന്തയതാലെ
പങ്കമെന്യേ മേവുക സുതയേ;-
3 ചാവിൻ നിഴലിൽ ഭയം നിനക്കെന്ത്?
ജീവൻ ക്രിസ്തുവിൽ മറഞ്ഞിരിപ്പില്ലേ
ജീവനായകൻ വെളിപ്പെടും നേരം
തേജസ്സിൽ നീയും കണ്ടീടുമല്ലോ;-
4 ഭരണകൂടങ്ങൾ തകരുവതെന്ത്?
അരചവാഴ്ചയും നീങ്ങുവതെന്ത്?
ഭരണം യേശു താനേറ്റിടുവാനായ്
ത്വരിതമായതിൻ വഴിയൊരുക്കുമല്ലോ
5 വീടും വയലും തോട്ടവുമെല്ലാം
നേടുവാനുള്ള സമയമിതല്ല
കാടും മലയും ആവലോടോടി
നേടുക നീ ആത്മാക്കളെയും;-
6 കാലം ഏറെ ചെല്ലുവതില്ല
നാളെയെന്നതു നിനക്കുള്ളതല്ല
കാലത്തികവിൽ കാന്തൻ വന്നീടും
കാത്തിരിക്ക നീ ശൂലേമിയാളേ;-
