Malayalam Hymn
Sathya veda monnu mathra
Sathya veda monnu mathra lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 സത്യ വേദമൊന്നു മാത്രമെത്ര ശ്രേഷ്ഠമേ
ക്രിസ്തനെ വെളിപ്പെത്തിടുന്ന സാക്ഷ്യമേ
നിത്യജീവമന്നയാമതെന്റെ ഭക്ഷ്യമേ
യുക്തിവാദമൊക്കെയുമെനിക്കലക്ഷ്യമേ
2 വാനിലും ധരിത്രിതന്നിലും പ്രധാനമേ
തേനിലും സുമാധുര്യം തരുന്ന പാനമേ
പൊന്നിലും വിലപ്പെടുന്ന ദൈവദാനമേ
മന്നിലന്യഗ്രന്ഥമില്ലിതിൻ സമാനമേ
3 ആഴമായ് നിനപ്പവർക്കിതത്യഗാധമേ
ഏഴകൾക്കുമേകിടുന്നു ദിവ്യബോധമേ
പാതയിൽ പ്രകാശമേകിടുന്ന ദീപമേ
സാദമേറിടുന്നവർക്കു ജീവപൂപമേ
4 സങ്കടത്തിലാശ്വാസിക്കത്തക്ക വാക്യമേ
സന്തതം സമാദരിക്കിലെത്ര സൗഖ്യമേ
സംശയിച്ചിടേണ്ട തെല്ലു മാത്രയോഗ്യമേ
സമ്മതിച്ചനുസരിപ്പവർക്കു ഭാഗ്യമേ
5 ശത്രുവെ ജയിച്ചടക്കുവാൻ കൃപാണമേ
സത്യമാദരിക്കുവോർക്കു സൽപ്രമാണമേ
നിത്യവും സമസ്തരും പഠിച്ചിടേണമേ
സത്യപാത ക്രിസ്തുനാഥനെന്നു കാണുമേ
